Partidu Neen Ofisialmente Asina Akta Forma Governu Da-Sia
Naunil Media (Díli), Partidu Neen kompostu hosi Partidu CNRT, KHUNTU, PD, PUDD, FM no UDT Sábadu (22/02/2020) ofisialmente asina akta koligasaun foun atu forma Governu Da-sia.
Iha intervensaun seremonia asina akta koligasaun Prezidente Partidu CNTR Kay Rala Xanana Gusmão, hataten akta koligasaun foun ne’e partidu neen ne’ebé maka asina ona bele forma governu Da-Sia no sei garantía estabilidade governativa.
“Ohin, partidu neen (6) ami hamutuk sei hakotu impase polítika no ami asina ona akta, ami fiar katak kadeira 34 sei garante estabilidade governativa”, Prezidente CNRT, Kay Rala Xanana Gusmão, imforma liuhosi konferénsia imprensa, iha sede CNRT.
Iha asina akta koligasaun kompostu hosi partidu CNRT, PD, KHUNTO, UDT, PUDD no Frente Mudansa. Iha biban ne’e mós partisipa hosi Eis Prezidente-Repúblika, José Manuel Ramos Horta.
Asina akta ne’e lideradu Prezidente Partidu CNRT, Kay Rala Xanana Gusmão, Prezidente PD, Mariano Asssanami Sabino, Konselleiru Máximu KHUNTO, Jose dos Santos Bukar ‘Naimori’, no seremonia asina akta ne’e hala’o iha Sede partidu CNRT Bairu dos Grilhos.
Akta koligasaun ne’e asina hosi Prezidente CNRT, Kay Rala Xanana Gusmão, Prezidente PD, Mariano Assanami Sabino, Prezidente Em Ezersísiu UDT, Rudolfo Aprarício Guterres, Prezidente Interinu FM, Egidio de Jesus, Prezidente PUDD, António de Sá Benevides no Prezidente KHUNTO, Armanda Berta. Ina
