Eskola 5 de Maio Halerik Sala Aprendizajen 

Fahe Tutan

Naunil Média (Dili), Diretór eskola Ensinu Sekundáriu 5 de Maio Becora, Manuel Verdial, informa dadaun ne’e eskola 5 de Maio labele akomula estudante sira atu halo aprendijajen tanba haree ba iha numeru estudante ne’ebé maka barak no sala aprendijajen ne’ebé menus tanba ne’e husu Ministériu Edukasaun Juventude no Desportu (MEJD) atu implemeta politika simu estudante iha ensinu sekundaria públiku.

“Ha’u rasik maka uluk propoint ba MEJD husu atu halo politika maibé halo limitasaun ba numeiru estudante ne’ebé tama iha ensinu sekundariu públiku sira liu-liu eskola 5 de Maio nian tanba haree ba kada tinan numeiru estudante amenta se bele MEJD bele halo intervesaun ba ida ne’e maibé proposta seidauk hetan resposta husi MEJD”, dehan Manuel ba Naunil Media iha eskola 5 de Maiu, Bekora, Segunda (21/02/2020).

Tuir nia katak, eskola públiku sira durante ne’e hasoru problema barak sai mós hanesan referensia, tanba tuir polítika MEJD nian tinan-tinan tenke iha referensia tanba número estudante aumenta implika fila fali ba sala apredisajen mak sei la to’o ba estudante sira.

“Iha ami nia eskola 5 de Maiu Bekora ne’e livru, sala apredizajen no edifisiu difikulta tebes. Fasilidade eskola nian hanesan kadeira no meja ita bele halo rasik, maibé ita atu ba rai iha ne’ebé fasilidade sira ne’e ita labele rai de’it iha loro laran. Ami menus sala apredisajen ami hakarak propoin ba ministériu edukasaun juventude no desportu atu halo analiza ba númeru estudanete sira ne’ebé ami fó ba minstériu edukasaun sira,”hateten Diretór Eskola ne’e.

Tanba ne’e ba oin MEJD tenke define politíkasimu estudante sira iha eskola públiku sira.

“Ha’u hanoin Ministeriu Edukasaun tenke implementa politika ida hodi regula kada eskola públika sira liu-liu simu estudante se lae tinan tinan nuneiru estudante sira aumenta laiha sala de aula difikulta prosesu aprendizajen iha eskola sira”, dehan nia.

Iha fatin hanesan husi Gabinete Apoiu Tékniku (GAT) professor 5 De Maiu, Crispina Sarmentu, reforsa katak, sala apredisajen ne’e importante ba estudante sira, bainhira estudante númeru aumenta sala apredisajen tenke aumeta hodi kondis ba estudante sira.

“Ha’u senti tristi tebes tanba estudante númeru ne’ebé barak, maibé sala de aula la permiti. Iha ne’e kuandu tempu udan afeita bo’ot tebes ba sala sira ne’ebé dadaun ne’e a’at no lun grave tebes. Kuaze tinan barak ona to’o ona MEJD, maibé seidauk rejolve, estudante barak maka iha liur. Oinsa maka ita bele hanorin estudante sira,” Crispina haktuir.

Nia husu, governu tau atensaun ba eskola 5 de Maiu tanba eskola ne’e grave tebes no meja kadeira mós sei menus difikulta tebes ba estudante sira.

Entretantu númeru estudante iha eskola 5 de Maiu hamutuk nain 1970 professores hamutuk nain 51 funsionariu permanete hamutuk 36 kontratadu hamutuk nain 14. Total sala apredisajen hamutuk 13 no prosesu apredisajen fahe tempu dader no meiudia tamba lasala apredisajen la supisente. Jml

Leave a Reply

Your email address will not be published.