CNE Oferese Edukasaun Sívika Eletorál ba Estudante Sira iha Aileu

Fahe Tutan

Naunil Media (Aileu), Sesta (24/07) ne’e, Komisaun Nasionál  Eleisaoens  (CNE-Sigla Portuês) hahú promove edukasaun sívika no hasa’e kuiñesementu eleitorál ba estudante sira iha ensinu Sekundária Jerál Aileu Malere (ESGAM), Postu Adiministrativu Aileu Vila, Munisípiu Aileu.

Komisaria CNE Odete Maria Belo, informa edukasaun sívika  realiza  tanba  simu rekomendasaun husi partidu polítika sira.

“Edukasaun sívika ne’e rasik, ita atu hasa’e kuiñesimentu elitór sira nian nomós prepara atu hatene klean liu-tán sistema CNE nian, nune’e sira bele ezerse sira nia direitu votu ho diak”, esplika  Komisaria CNE, Odete Maria Belo, ba jornalista sira hafoin hala’o edukasuan sívika ba estudante sira.

Iha fatin hanesan  estudante Antoneta Martins Lurdes, orgulhu ho aktividade formasaun ne’e tanba bele hasa’e kouiñesementu hodi asesu ba votasaun.

“Ha’u orgullu tebes, hasa’e ha’u-nia kuiñesimentu di’ak liu-tán. Materia ne’ebé mak CNE sira fahe, hanesan kona-ba oinsa lori ami ba kompriende saida mak Organizasaun, reseseamentu no kona-ba dadus eleitorál”. Dehan estudante ne’e. Nty

Leave a Reply

Your email address will not be published.