MEJD-Austrália Halo Lansamentu Programa ALMA iha EBC 5 Comoro
Naunil Media (Díli), Ministeriu edukasaun juventude no desportu (MEJD), no embaixador Austrália halo lansamentu ba programa apoiu lideransa liu husi mentoria aprendizazen (ALMA) iha eskola Bázika sentrál (EBC), númeru 5 Comoro
Tuir Ministru MEJD Armindo Maia katak, Ohin lansamentu ba programa ALMA ne’e ita hotu hatene katak, programa ida ne’ebé MEJD ninian , apoiu husi governu Austrália, no ninia abreveasaun husi ALMA ne’e apoiu ba lideransa liu hosi mentoria no aprendizazen.
“Programa ida ne’e distina ba mestre sira no diretores, edukasaun, kordenadores no mós administrativu”. Dehan nia bá jornalista hafoin lansamentu ba programa ALMA iha EBC 5 Comoro, kinta (28/4)
Tanba saida mak ita fo importánsia ba programa ida ne’e, tanba ita hotu hatene katak, ita bele iha fasilidade no EKipamentu kompletu, maibé kuandu ita nia rekursu umanus hanesan mestre no diretores eskola sira laiha kapasidade jestaun ne’ebé diak, no kapasidade hanorin ne’ebé di’ak, entaun ita bele investe buat hotu-hotu maibé ita markapasu nafatin.
Tanba ne’e mak programa ida ne’e importante, oinsá mak ita investe ba kualidade edukasaun liu hosi investe ba mestre sira.
Enkuantu programa ALMA ne’e implementa iha Munisípiu hotu-hotu iha territóriu Timor-Leste.
Entretantu hanesan vice embaixadora Austrália, Suzy Wilson-Uilelea haksolok tebes ba oportunidade iha eskola Bázika filial númeru 5 Comoro hodi halo lansamentu programa apoiu lideransa liu husi mentoria no aprendizazen ALMA iha Munisípiu Díli.
Eventu ne’e hatudu kolaborasaun ne’ebé di’ak entre Governu Austrália ho Timor-Leste hodi kontinua promove kualidade edukasaun ba labarik sira ensinu bázika iha Timor-Leste. LTS
