CNRT Husu Organizasaun Arte Marsiais iha TL, Eduka Membru Sira  Hadomi Malu

Naunil Media (Díli), Vise Prezidente Bankada Partidu Kongresu Nasionál Rekonstrusaun Timorense (CNRT)  Sigla Portugés), Deputadu Patrocinio Fernandes, Husu ba Organizasaun arte mersiais iha Timor-Leste, tenke eduka nia membru sira, para disiplina iha nasionalizmu, badinas, kuda espritu dame iha sira nia fuan.

“Hakarak dezenvolve rai nasaun Timor-Leste, presiza Timoroan hadomi malu hodi kria estabilidade ba paz, inklui sira ne’ebé involve a’an iha arte marsiais, kontinua kria konflitu hela de’it liu hosi ataka malu, hafoin governu reativa fila fali, ne’e sei sai dazefiu bo’ot ba Estadu iha future”, dehan deputadu Patrocinio Fernandes ba jornalista sira iha resintu parlamentu Nasionál, tersa (23/08).

Nia hautaun, Partisipasaun joven iha atividade extra hanesan arte marsiais, hodi forma mentalidade no mós sai sidadaun ne’ebé di’ak liutan, para kontribui ba prosesu dezemvolvimentu.

Reprezenta povu ne’e husu ba Polísia Nasionál Timor-Leste   (PNTL), tau antensaun maximu prevensaun hodi evita konflitu. Husu nafatin ba entidade no komunidade sira, atu ajuda eduka oan sira atu moris disiplina, nu’udar membru sosiedade tenke respeitu ema seluk ne’ebé la involve iha organizasaun arte marsiais, nia sujere.

Nia dehan, Sira iha direitu atu goja liberdade no moris hakmatek ,organizasaun arte marsiais para labele halo konflitu tuun sa’e hodi ema seluk sai vitima.

Tenke iha sentimentu hodi hanoin Inan Aman sira ne’ebé la envolve grupu arte marsiais , hakotu nia. Ana