CNE Subemete Ona Resultadu ELPRES ba TR
Naunil Media (Díli), Presidente komisaun nasionál Eleisaun (sigla português CNE) José Agistinho da Costa Belo hateten, Ohin submete rezultadu eleisaun prezidensiál segunda volta ne’ebé hala’o iha loron 19 fulan-abríl 2022 ba Tribunál Rekursu hodi halo validasaun.
“Akompañia husi Komisáriu na’in haat hodi entrega dokumentu ne’e ba iha ekipa Sekretariádu Tribunál Rekursu nian iha Caicoli Díli, iha tuku 15:00 otl”, dehan Presidente CNE José Agistinho da Costa Belo ba jornalista sira,iha tribunal rekursu, Kaikoli,kuinta,(28/04).
Nia afirma, hafoin CNE halo tiha apuramentu nasionál durante loron tolu ka oras 72 sei verifika akta sira ne’e hodi haree didiak.
“Ami iha tan oras 24 ba reprezenta kandidatu Prezidente Repúblika na’in atu halo reklamasaun karik iha, maibé laiha reklamasaun, maka ami ohin lori mai ona”, katak nia.
Nia hatutan, Tuir lei Tribunál Rekursu sei halo validasaun ba akta eleisaun prezidensiál segunda volta ne’e,durante oras 72 ka loron tolu depois maka fó sai ba públiku.
Tanba ida ne’e, maka Tribunál sei proklama rezultadu Prezidensiál segunda vota nian, hakotu nia. Ana
