FEATUREDGeralIkus LiuNews

Embaixada Portugal Lansa Projetu Konsultóriu Lingua Portuguesa

Fahe Tutan

Naunil Media (Díli), Tersa (03/05) ne’e, Embaixada Portugal iha Timor-Leste lansa Projetu Konsultóriu Lingua Portuguesa durante ámbitu seremonia komemorasaun Loron Mundial Liberdade Imprensa mak hala’o iha Centro Cultural Embaixada Portugal Kolmera.  

“Ohin Loron ita selebra loron importante rua mak hanesan loron Liberdade Imprensa no semana da Lingua Português, importante ba Jornalista hot-hotu ne’ebé tolera husi Nasaun Unidas kona-ba Lingua Português ba Jornalista sira hodi kolabora loron Liberdade Imprensa nian, importante tematika tuir mundu ohin loron nian”, Embaixadora Portugal, Menuela Freitas Bairos, ba jornalista sira iha fatin komemorasaun.

Tuir diplomata ne’e, Timor-Leste iha maneira kona-ba liberdade imprensa efeitu tebes, tanba hetan apresiasaun husi mundu kona-ba servisu husi professional media sira iha kontestu ohin loron nian.

Nia apela ba jornalista sira labele preokupa de’it ba formasaun téknika maibé presiza eskrita notísia no halo reportajen ho lolos no akuradu.

“Atu hetan notísia ne’ebé fundamental hodi transmite informasaun ba sosiedade kona-ba kontribuisaun jornalista nia kna’ar ne’ebé lolos, loron ohin kolabora mós loron mundiál ba lingua Português ne’ebé ita presiza komprende katak lingua Portugés ne’e lingua global ne’ebé uza iha kontinente Amerika, Afrika no Asia”, tenik reprezentante Estadu Repúblika Portuguesa ne’e.

Ikus nia dehan, lingua Português konsisténsia iha nasaun hot-hotu uza hanesan iha nasaun Brazil, Mozambique, Timor-Leste no nasaun sira seluk tan ne’ebé uza lingua Português hanesan lian ofisiál. Ana

Leave a Reply

Your email address will not be published. Required fields are marked *