MTK Implementasaun Subsidiu ba Transporte Públiku

Naunil Media (Díli), Governu liu husi Ministériu Tranporte no Komunikasaun (MTK) lansa ona medida hodi apoia subsídiu ba operadór transporte públiku (TP) sira no setor atividadde sira seluk.

 Kona-bá faze implementasaun subsídiu ne’e ekipa konjunta husi Ministériu Tranporte no Komunikasoens (MTK), Ministériu Petroleu no Minerais(MPM) no Ministériu Agrikultura no Peskas(MAP).

Tuir Ministru Tranporte No Komunikasoen (MTK) Jose Agustinho da Silva katak oras ne’e dadaun folin ba mina sa’e impaktu husi situasaun global mundial nian afeta to’o ita.

Dekretu-Lei Nú. 18/2022, husi 19 fulan abril, ne’ebé estabelese ba subsídiu kombustível ba operadóres Tranporte publiku rodaviáriu no Tranporte Aero no Maritima ne’ebé mak opera legalmente iha teritoriu nasional  TL.

Dekretu lei nee’ governu aprova ona iha sorumutu Konsellu Ministrus nian iha loron 13 fulan abril tinan 2022 no promulga ona husi Prezidente Republika nian iha loron 19 fulan-abril tinan 2022.

Enkuantu VIII governunu konstitusional aprova hodi halo atribuisaun subsidiu sira atu hamenus impaktu hosi aumentu presu kombustivel nian sira, tamba guerra iha Ukránia.

Hodi garante estabilidade presu kombustivel nian no hodi evita konsekuénsia prejudisial sira liuhusi atribuisaun subsidiu sira

 Tanba medida  ne’e ne’e sei benefisia setor atividade sira ne’ebé atinjidu liu ba folin kombustível aumentu hanesan operadór transporte rodaviáriu públiku nian sira, ba operadór transporte aéreo no marítimu nasional sira, i no ba komprador sira kombustivel nian ne’ebe destina ba atividade agrikola no peska nian.

Nune’e Subsidiu ne’e sei halo liu husi vale deskontu nian(voucher) ida atu uza iha estasaun sira ne’ebe mak faan kombustível ho nia montante ne’ebe korrespondente ba 100% hosi valor diferensia nian entre folin mediu gozolina ka gazoleu litru ida nian, iha fulan dezembru tinan 2021 no folin gazolina ka gazoleu litru ida nian iha data fo sai voucher kombustível nian ho konsidersaun ba tipu kombustivel nian no ninia karateristika sira.

Ne’e signifika katak, medida ida-ne’e sei permite katak benefisiáriu sira sei selu deit valor médiu kombustível nian husi fulan dezembru tinan kotuk.

Tanba ne’e Ministêriu Transportes no Komunikasoens (MTK) ne’ebe responsável ba pagamentu subsidiu ba operador transporte rodoviariu  publiku sira nian, ba operadór transporte aéreu no maritima nasional sira.

No Ministériu Agrikultura no Peskas, ne’ebé responsável ba subsídio ba kompradór kombustivel ne’ebe maka destina ba atividade agrikola no peska nian, atu besik remata prosedimentu sira ne’ebé nesessáriu hodi la Kleur tan bele hahú pagamentu subsídio ne’e.

Tan  sidadaun sira ne’ebe halo bisnis automotive liu-liu transporte publiku sira hanesan Bus,Mikrolete,taxi no mos Tranporte Aero no Maritima.

“Iha ona afetsaun ne’e  ita nia ema sira ne’ebe mak halo Movimentu uza meius Tranporte terestre ka rodoviariu nee afetadu tebes dadaun ne’e ita nia governu iha ona politika no mos instrumentu baze legal ne’ebe mak iha no promulgadu husi PR nune’e oinsa mak governu atribui subsidiu ba operadores sira”, Dehan MTK  ba Jornalista iha Salaun Gabinete MTK Mekadu Lama, kinta(28/04).

Nia haktuir ba faze implementasaun subsídiu nee husi ekipa konjunta Ministériu tolu.

“Faze implementasaun ekipa konjunta husi Ministériu tolu  hanesan ,MPM,  MTK mo MAP oras nee dadaun sei finaliza hela ita nia diploma konjunta nune’e kundu publika ona iha jornal Republika ita hakat ba faze implementasaun”,Tenik Nia

Enkuantu mekanismu atu atribui voucher ba sira dadaun ne’e MTK esforsu hela oinsa mak simplifika no atendimentu ne’ebe lais tanba nee mak presija diploma konjunta   Ministeriu 3 atu tama ba faze finalizasaun.

“MTK mos sei prepara lista ba ita nia Tranporte publiku sira ita nia data base ne’e klaru, hotu-hotu registu hotu inklui Tranporte maritima no aero dadus ida ne’e sei prepara ba benefisiariu sira ne’ebe hetan subsidiu atu sira la bele iha duvidas”,Hakotu Nia. LTS