FEATUREDIkus LiuNewsSeguransa

Uza ID Facebook Falsu Insulta Pe. Pároku Same, PNTL Kaptura Joven Ida

Fahe Tutan

Naunil Media (Manufahi), Kuarta (21/10) ne’e, Polísia Nasíonal Timor-Leste (PNTL) Munisípiu Manufahi kaptura joven mane ida ho Inisial FS idade-17, tanba deskonfia uza ID falsu Facebook hodi trata Amu Pároku Nossa Senhora De Assunção Same.

PNTL kaptura joven FS ne’e iha area suku Letefoho, Postu Same, Munisipiu Manufahi.

“Polísia kaptura ona joven mak deskonfia hanesan autór ba ID ka facebook falsu hodi insulta ita nia padre parokia Same, dehan Padre Parokia Same halo korupsaun ba iha reabilitasaun ingreza no Escola Colegio São Miguel Arcanjo (COSAMAR) same”, Komandante PNTL Munisipiu Manufahi, Joni Viana Das Regras,  ba jornalista sira iha nia kna’ar fatin.

Komandante ne’e esplika, membru PNTL kaptura tanba dader komunidade balun kuiñese joven FS nune’e sira kopera ho parte polísia hodi deteka no prende telefone ne’ebé mak suspeitu n’e uza.

“Dader Ami halo ona komunikasaun ba ona prokurador Distrital Suai hodi hetan orientasaun ruma kona-ba prosesu ida ne’e, tuir  prosesu sei entrega suspeitu ba iha Ministériu Públiku hodi prosesa tuir lei, hotu sei desloka ba kedas iha Suai”, hatutan Komandante ne’e.

Komandante ne’e mos  husu ba komunidade sira iha Same atu kontinua asegura aan hodi labele monu ba informsaun falsu sira, no tenke koopera nafatin ho parte Polisia hodi buka solusaun ba problema ka naksalak balun mosu iha komunidade nia-leet.  Nfm

Leave a Reply

Your email address will not be published. Required fields are marked *