SEKOMS, UNICEF ho KS-UNTL Reforsa Programa Radio Komunidade
Naunil Media (Díli), Sekretário Estadu Komunikasaun Sosial (SECOMS-Sigla Português), UNICEF servisu hamutuk ho estudante nain-neén husi Departamentu Komuniksaun Sosial, Unversidade Nasionál Timor Lorosa’e (UNTL) ba estajiu iha radio komunidade neén iha Munisipus ba promosaun no sosializa programa UNICEF ba komunidade.
Diretór Diresaun Nasional Dezenvolvimentu Promosaun Média Lokal, Abel da Conseição, hateten servisu hamutuk ne’e estudante sira bele apoiu rejistu moris ninian iha radio komunidade sira iha munisípiu neén.
“Aktividade servisu hamutuk entre UNICEF no UNTL, liu-liu iha Departamentu Komunikasaun Sosial, SECOMS fasilita estudante sira liu-liu iha Komunkasaun Sosial atu ba estájiu iha Radio komunidade kona-ba atu apoiu hodi suporta asuntu rejistu Moris nian iha radio neén iha Timor laran”, Diretor DNDPML, Abel Da Conseição, ba Naunil Media, iha kampus Lama, Kaikoli, Kuarta (21/10).
Iha fatin hanesan Xefí Departamentu Komunikasaun Sosial, Marcelino Ximenes Magno, garante liu-husi servisu hamutuk bele apoiu no reforsa ba promosaun no senzibilizasun iha Radiu komunidade.
“Ida ne’e para ba halo promosaun no hodi konsensializa ba komunidade iha munisipio neén, Viqueqie, Baucau, Manatutu, Ermera, Manufahi, Covalima, kompaña kona-ba rejistu Moris nian, tamba tuir dadus peskija”, esplika xefe departamentu KS-UNTL ne’e.
Estudante sira mak sei ba halo estajiu maka, Francisco Colo, Celina Alves Lopes, Elias da Costa, Leonia de Araújo da Costa, Honoriu Guterres, Emerenciana de Jesus Martins. Tuir planu estudante sira sei halo estajiu durante fulan ida iha radiu Komunidade sira. Ivo
