Aldeia 14 iha Same seidauk Asesu Eletrisidade
Naunil Media (Manufahi), Reprezentante Sosiedade Sivíl no Porta-voz, Emanuel Dobes Pinto, husu Governu konstitusionál da-ualu no deputadu/a sira iha atu hakbesik hodi rona no haré direita preokupasaun povu nia iha báze.
“Husu Parlamentu Nasionál, li-liu ba Deputadu/a Manufahi oan sira atu fóti periodu ordem do dia ba koalia asuntu estrada no elektisidade ne’ebé povu manufahi seidauk asesu, tamba ita bo’ot sira reprezenta Lian no Matan povu manufahi tomak”, Reprezentante Sosiedade Sivíl no Porta-voz, Emanuel Dobes Pinto, ba jornalista sira liu husi konferensia imprensa iha Same, Tersa (20/10).
Porta-voz nu’udar mos Kordenador Redi Monitorizasaun Dezemvolvementu (RMD), Emanuel, husu ba deputadu sira labele insulta malu tanba polítika, maibe uza tempu tun direita ba haree povu nia moris.
“Tenke uza tempu Sábadu no Domingo halo fiskalizasaun ba projetu sira, nune’e labele fó kulpa ba povu. Uza povu nia aspirasun iha imi nia bolsu hodi he’in de’it iha kampanña mak la’o-ain ba lohi no bobar lia loos iha povu rura”, hatutan nia.
Partisipa Press konfernsia ne’e mak Rede Sosiedade Sivíl Munisipiu Manufahi hanesan Fundasaun Luta ba Futuru (F-LBF), Sentru Foinsa’e Boaventura Manufahi (CEFOBOM), Feto Assosiasaun Sustentavel (FAS), Luta ba Mudansa (LBM), Kablaki Community Development Center (CCDC), Conseilu Nasional Joventude Timor Leste (CNJTL), Assosiasaun Roman Ba Sosiedade (ARS) inklui radiu Komunidade. Nfm
