PM Taur Husu Labarik Sira Timor Oan Badinas Estuda
Naunil Media (Díli), Relasiona ho loron Mundiál ba Labarik ne’ebe monu iha loron 01 fulan Junñu ne’e, Primeiru Ministru (PM), Taur Matan Ruak, apela ba labarik sira iha teritóriu laran atu aproveita tempu osan mean hodi badinas estuda, tanba labarik mak lideransa futuru nasaun nian.
PM, Taur Matan Ruak, ba jornalista sira iha Palasiu Governu, Segunda (01/06).
“Iha loron espesiál ida ne’e, ha’u hakarak apela ba labarik sira hotu, atu aproveita imi nia tempu osan mean ne’e ho didi’ak ho estuda no estuda, tanba imi mak futuru nabilan ba Timor-Leste. Ha’u nia mensajen save ba imi labarik sira, estuda! Estuda! Dukur no mate iha livru leten”, hateten PM, Taur Matan Ruak.
Xefe órgaun ezekutivu ne’e hatutan, “Ohin loron 01 fulan Junñu 2020, loron mundiál ba labrik sira iha mundu tomak inklui mos labarik sira iha Timor-Leste, tinan-tinan sempre festeza motiva ho animasaun oi-oin ba labarik sira atu dezenvolve sira nian talentu, maibé infelismente tinan ida ne’e labele selebra tanba mosu Surtu COVID-19”.
Eis Prezidente Repúblika (PR), Taur, dehan governu sei liuhosi komisaun direitu ba labarik sira nian, sei kontinua buka oinsá hodi bele tau matan ba labarik sira nian direitu no fundamental ne’ebé mak hatuur ona iha polítika governu nian. Lop
