Reprezentante Vaticano Husu Líder Sira Timor Oan Promove Páz
Naunil Media (Díli), Reprezenta Vatikano iha Timor-Leste, Monseñór Marcos Sprizzi husu ba líder sira Timor oan atu promove páz no estabilidade hodi kontribui ba povu moris di’ak.
Reprezenta Vatikano iha Timor-Leste, Monseñór Marcos Sprizzi, ba jornalista sira hafoin sorumutuk ho Primeiru Ministru (PM), Taur Matan Ruak, iha Palasiu Governu , Segunda (01/06).
“Igreja Katólika ninia preokupasaun mak povu, povu tenke moris iha hakmatek nian laran, tanba ne’e líder sira nasaun nian tenke promove nafatin diálogu, armonia no kria páz. Parte Igreja Katólika mos sempre apoia Timor-Leste hodi promove ba páz no estabilidade”, hateten Monseñór Marcos.
Reprezentante Vatikanu iha Timor-Leste ne’e hatutan, Santan Sé apoia totál ba governu no kualker polítika sira iha nasaun demokrátika nian laran, nune’e bele lori povu ba moris di’ak no hakmatek nian.
Ikus liu, Representa Vatikano iha Timor-Leste ne’e haktuir “Primeiru Ministru Taur Matan Ruak hato’o ninia apresiasaun ba no kontente ho presenza Santa Sé iha TL. Lop.
