Autoridade Suku Lihu Agradese Programa ‘Rona Povu Nia Lian’
Naunil Media (Díli), Xefe Suku Lihu, Postu Adimistrativu Rai-Laku, Munisipiu Ermera, Bernardo dos Santos Babo, hateten agradese ba Instituto Internacional da República (IRI-Sigla Ingles) ninia programa ne’ebé hanaran ‘Rona Povu Nia Lian’, tanba bele direitamente povu bele hato’o preokupasaun ba na’i ulun sira.
“Ba dala uluk ha’u lori komunida suku ida ne’e fó agradese ba membru parlamentu nasionál ne’ebe prezente hodi halo sorumutuk ho ami líder komunitáriu no komunidade sira hodi rona povu nia lian, kona-ba preokupasaun ne’ebe durante ne’e infrenta”, Xefe Suku Lihu Bernardo dos Santos Babo ba jornalista sira hafoin partisipa IRI nian programa ‘Rona Povu Nia Lian’, Sabadu (14/03).
Autoridade Suku ne’e hatutan, ho situasaun polítika atual iha Timor-Leste, ne’e entre líder polítiku sira de’it no ladún afeita ba povu ninia moris iha area rural, tanba defaktu povu kontinua hakmatek hodi hala’o moris lor-loron hanesan ema agrikultór.
“Husu ba IRI atu kontinua lori programa ne’e ba suku sira ne’ebe dók husi capital munisipiu nian, nune’e komunidade sir abele aproveita hato’o preokupasaun kona-ba bee moos, eletrisidade, edukasaun, saúde no seluk tan,” xefe suku ne’e husu.
Senior Program Manager IR Timor-Leste, Karlito Nunes, hateten programa ne’e konvida membru parlamentu nasionál husi bankada hotu-hotu atu bele hasoru diretamente ho komunidade elitor sira.
“Programa n’e husi IRI konvida mos membru parlamentu nasionál husi bankada parlamentár hotu atu bele direitamente hasoru malu ho komunidade eleitór sira iha iha sira ni’an hela fatin. Durante sorumutuk, komunidade sira aproveita bele hato’o sira nia prekupasaun sira hasoru mak hasoru iha sira ni’an moris no hela fatin”, esplika Senior Program Manager IR Timor-Leste, Karlito Nunes.
Karlito dehan, programa ne’e hala’o tanba servisu hamutuk entre IRI ho bankada Parlamentar hotu iha parlamentu nasionál, Parlamentu Foisa’e no hetan apoia husi USAID, iha ne’ebe programa refere la’o ona iha munisipu hotu inklui postu administrative balun.
Programa IRI ‘Rona Povu Nia Lian’ ne’e iha postu administrative Railaco ne’e hetan partisipasaun maxímu hosi líder komunitáriu sira, komunidade no estudantes sira. Pau
