2021, Mexico Sei Oferese Bolsu Estudu ba Timor Oan Nain Haat

Fahe Tutan

Naunil Media (Díli), Konsuladu Honorariu Mexico  iha Timor-Leste Ivanildo Quirino do Nascimento, informa tinan 2021 Mexico sei oferese bolsu estudu ba timor-oan nain haat atu estuda iha nasaun refere.   

Konsuladu Honorariu Mexico  iha Timor-Leste Ivanildo Quirino do Nascimento, ba jornalista sira hafoin enkontru ho Ministru Edukasaun Juventude no Desportu (MEJD), Armindo Maia, iha Salaun enkontru MEJD, Vila-Verde, Tersa (14/07).

“Ami koalia kona-ba bolseiru ne’ebé mak ami fó kada tinan. Ami sei haruka Timor-oan nain haat ba eskola iha Mexico. Hasai mestradu ema nain rua no  Doutoramentu ema nain rua, espesifiku ba area Edukasaun ho Saúde ho Enjinaria”, Konsuladu Honorariu Mexico  iha Timor-Leste Ivanildo Quirino do Nascimento.  

Konsuladu Honorariu Mexico  iha Timor-Leste Ivanildo Quirino do Nascimento, esplika kriteriu  kona-ba bolseiru sira hala’o estudu iha Mexico tenke hatene lian Espaiñol, tanba ne’e bolseru sira tenke tuir kursu lian Espaiñol ho duransaun tempu fulan tolu.

“Timor-oan ne’ebé  interese  tenke lori dokomentu sira ba ha’u-nia fatin iha fulan Fevereiru 2021, agora bele ba komfirma  dokomentu  aplikasaun liu husi formuláriu iha internet depois mak prosesu”. Dehan Nia. Jjf

Leave a Reply

Your email address will not be published.