Komunidade Aldeia Rialau Manufahi Lamenta Sesta Bázika Folin Lato’o $ 50
Naunil Media (Manufahi), Tersa loron (08/06) Reprezenta komunidade Aldeia Rialau suku Letefoho postu administrativu Same, munisípiu Manufahi Joaquim das Regras Araujo lamenta, simu ai-haan sesta bázika la to’o folin $ 50 dollar.
“Lamenta situasaun ne’e,tanba sasan ne’ebé komunidade sira simu hanesan foos Plastiku1, masin midar plastiku1, fore keli, kafé,mina litru 2 masa 1,mina nú aqua ki’ik 1,trígu platiku 1,indomilk,sabaun no sasan sira seluk, Komunidade sira mós lamenta programa sesta báziku ne’e komunidade balun naran la iha lista,ho situasaun ne’e komunidade sira sei blokeia programa sesta bázika iha suku refere”, Dehan Joaquim ba Jornalista Tersa (08/06) iha aldeia Rialau suku Letefoho postu Administrativu Same, munisípiu Manufahi
Iha fatin hanesan sefi suku Letefoho João da Costa Noronha, Informa tuir lista ne’ebé aprezenta komunidade hamutuk 7.000 resin mak sei hetan programa sesta bázika ne’e, maibé failansu ne’e mosu, tanba família balun naran iha hela fixa Família maibé atu ba simu sesta bázika familia balun naran la iha.
Hatan ba situasaun ne’e diretór kompaña fornesedór Baino Girau unipesoál Lda Natalina Anacleto Freitas, Hateten, kompaña sei kordena ho governu hodi solusiona problema ne’e, maibé sasan ne’ebé fahe ba komunidade sira, nia folin to’o duni $ 50 dollar. NFM
