Projetu Sistema Drenajen no Saneamentu iha Díli Sei Gasta Millaun $350

Fahe Tutan

Naunil Media (Díli), Ministru Obras Públikas (MOP), Salvador Eugênio Soares dos Reis Pires, informa tuir aprezentasaun husi konsultór ba projetu konstrusaun sitema Drenajen no Saneamentu iha kapital Díli sei halo gastus millaun $350.

Millennium Challenge Corporation (MCC) husi Governu Estadu Unidu Amerika (EUA) atu ajuda liu husi Compact Development Team Timor-Leste (CD-TL), servisu hamutuk ho MCC EUA providensia millaun $210 ba konstrusaun drainajen”, hateten Ministru Salvador Eugênio Soares dos Reis Pires, ba jornlaista sira hafoin halo lansamentu ba Grupu Tékniku Interministerial (GTI) eis propriasaun ba projetu konstrusaun sitema Drenajen no Saneamentu iha kapital Díli, iha Otél Novo Turismo, Lecidere, Kinta (27/08).

Ministru Salvador Pires, akresenta MCC hakarak tulun Timor-Leste tanba ho hanoin ida atu kombate problema saúde atu bele konstrui ba sidadaun ne’ebe produtivu no dezenvolvimentu ekonómia rai-laran.

Membru Governu konstitusionál da-ualu ne’e, esplika  aktividade GTI nu’udar preparativu Governu liu husi inerministerial realuza ona hanesan Komisaun Avaliasaun Impaktu Ambiental (KAIA) iha fulan Jullu liu-bá no halo ona konsultasaun ho komunidade afeitadu iha postu administrativu sira Munisípiu Díli nian.

“Projetu konstrusaun sitema Drainajen no Saneamentu iha kapital Díli sei afeita uma kain hamutuk 746, kompostu husi postu administrativu Nain Feto uma 141, Vera Cruz uma kain 121, Dom Alixo uma kain 381 no Cristo Rei uma kain 153”, relata Governante ne’e.  

Ikus-liu, Ministru Pires dehan, estimativa indeminizasaun ba komunidade afeitadu sei bazeia ba padaraun inklui levantamentu dadus husi GTI. Apm

Leave a Reply

Your email address will not be published.