FEATUREDIkus LiuNewsTurismus

Lagoa Maubara Iha Ona Faze Finalizasaun

Fahe Tutan

Naunil Media (Díli), Ministru Turismu Komersiu no Industria (MTCI),  Jose Lucas do Carmo da Silva, informa Master Plan (Planu Mestre) ba Lagoa Maubara liu husi polítika Governu konstitusionál da-ualu nian sai prioridade no dadaun ne’e iha ona faze finalizasaun.

“Haree ba projeitu ba Lagoa Maubara ne’e liu husi konseitu ne’ebé maka di’ak tebes no halo konsultasaun kuaze atu remata ona, bele finaliza lalais ba prosesu sira ne’e hodi lori prosesu ne’e ba oin no bele hatama iha programa vinte-vinte nian”, Ministru Turismu Komersiu no Industria (MTCI),  Jose Lucas do Carmo da Silva, ba jornalista sira hafoin partisipa aprezentasaun Master Plan Lagoa Maubara  husi Kompañia D’Oliveira, iha edifisiu Ministéru Turismu, Segunda (07/09).

Ministru Turismu Komersiu no Industria (MTCI),  Jose Lucas do Carmo da Silva, akresenta konsidera ba iha planu Vinte-vinte ne’e persija haree  prosesu sira ne’e inkorpora ona ba input ne’ebé mak liu husi enkontru durante ne’e. Ohin loron enkontru ba dala lima ho nune’e atu haree deit buat hirak ne’e inkorpora ona ka lae ?, tanba haree liu ba iha nia sustentabilidade. 

Membru Governu konstitusionál da-ualu ne’e, haktuir maske kompañia D’Oliveira remata nia servisu maibe Governu sei haree nia relatóriu ikus molok halo pagamentu.

Master Plan Lagoa Maubara ne’e liu husi polítika VIII Governu nian no sai hanesan prioridade ida, tanba ema temi turismu komunitáriu presija kria kondisaun  hodi fasilita ema sira ne’ebé mai iha ita nia rai”, tenik Ministru Jose Lucas do Carmo da Silva. Ivo

Leave a Reply

Your email address will not be published. Required fields are marked *