DNTT Kestiona Estadu La Konsidera Sira Front Line

Fahe Tutan

Naunil Media (Díli), Xefe Departamentu de Veiculu Nelson S. Martins, informa deskontente ho Estadu Timor-Leste tanba valoriz funsiunáriu sira iha Diresaun Nasionál Transporte e Terestre (DNTT) ba direitu front line, maske sira servisu durante iha situasaun emerjénsia Surtu COVID-19.

“Durante iha situasaun COVID-19 ne’e, ami la feiras maibé Governu la rekuiñese ami hanesan servisu iha front line  (liña frente). Ami mós la dun kontente tanba ami servisu la hetan direitu”, Xefe Departamentu de Veiculu Nelson S. Martins, ba jornalista Naunil Media iha kna’ar fatin Balide, Segunda (07/09).

Nia observa, iha Ministériu balun ninia funsiunáriu la halo servisu durante periodu COVID-19 maibe hetan direitu front line, tanba ne’e mak kestiona.  

“Ministeru balun la servisu maibé Sira iha direitu ba front line, hanesa Ministeriu Edukasaun, Ministeriu Obras Públikas (MOP) iha tempu pandemia ne’e sira ferias tiha, maibé sira nia funsionariu simu fali osan front line, ida ne’e mak halo ami la kontente”, kestiona Nia.

Xefe Departamentu de Veiculu Nelson S. Martins, relata iha Fulan Janeiru to’o Augustu DNTT kontribui  ona osan ba kofre do estadu hamutuk $1.675.602, no parte DNTT durante Fulan 3 iha situasaun covid-19 sira kotinua servisu nafatin hodi  kontribui osan ba situasaun pandemia global ho montante   $3000.000  ba apoiu surtu covid-19. Ivo

Leave a Reply

Your email address will not be published.