Ai-moruk AsteZeneka To’o Ona iha Komoro

Naunil Media (Díli), Ai-moruk astezeneca vasina COVID-19 iha Timor-Leste (TL) ne’ebe simu husi  Ekipa Europeia  liuhusi Fasilidade COVAX inporta husi aviaun  marka My Indo Airline, to’o iha Aeroportu Interansional Nicolau Lobatu Komoro .

Embaixadór Uniaun Europeia iha Timor Leste  Andrew Jacobs ba jornalista sira hafoin simu Ai-moruk AsteZeneca, iha Aeroportu Internasionál Nicolau Lobato, Komoro, segunda (05/04).

“Ha’u sente haksolok tebes tanba ohin loron ita iha ona fornesimentu dahuluk ba vasina COVAX nian mai Díli, Timor-Leste. COVAX Facility ne’e hanesan ilustrasaun di’ak ida kona-ba solidariedade globál. Ne’e mak hahalok multilaterál loloos. Uniaun Europeia orgullu hamutuk ho Governu Timor-Leste, OMS, UNICEF, no mós kontribuinte sira seluk hodi halo ida ne’e akontese. Ha’u fó omenajen ba pesoál saúde liña frente no ba sira hotu ne’ebé serbisu maka’as iha Timor-Leste ne’ebé serbisu maka’as iha luta hasoru COVID-19. Ekipa Europeia sei hamrik nafatin ho povu Timor-Leste”, Dehan Andrew.

Embaixadór Andrew hatutan, ekipa Europeia  ninia Estadu-membru sira no Banku Investimentu Europeu  hanesan kontribuinte ba inisiativa multilaterál COVAX, ho osan liu bilaun EUR 2.2/USD 2.6.   kontribuisaun  sei importante tebes atu asegura implementasaun COVAX nian ne’ebé hakarak atu fornese vasina 1.3 biliaun ba nasaun 92 ne’ebé ho rendimentu médiu no baixa.

“Ohin  5 Abril 2021  Timor-Leste   to’o iha Díli ho  24,000 doses ne’ebé fornese liuhusi fasilidade COVAX, ne’ebé ekipa Europa nu’udar kontribuinte boot ida. Doses hirak nee hanesan primeiru husi COVAX nia prestasoins ne’ebé kompletamente sei fó vasinasaun ba populasaun 20%”, Nia akresenta.

Nia dehan, ekipa Europeia orgullu tebes atu kontribui ba fasilidade COVAX nian, hodi ajuda fó asesu ne’ebé asesível no justu ba vasina baTimoroan sira, liuhusi parseria ho Organizasaun Mundiál Saúde (OMS), ho inisiativa globál GAVI, no UNICEF. Hodi garante katak ema hotu iha asesu ba vasinasaun COVID-19 nian ne’ebé seguru no efetivu sai nu’udar prioridade aas liu ba Uniaun Europeia.

“Bazeia ba Ekipa Europeia nia aproximasaun, UE durante ne’e kompromete ona osan hamutuk US $ 2.6 billaun ba Fasilidade COVAX atu fo posibilidade ba nasaun hamutuk 92 ne’ebé iha rendimentu ki’ik liu no médiu, inklui Timor-Leste, atu hetan asesu ba vasina COVID-19 biliaun 1,3. Iha luta kontra pandemia globál COVID-19 la iha ema ida mak seguru to’ o ema hotu moris ho seguru”. Tenik nia.

Embaixadór Uniaun Europeia ne’e haktuir, UE  nia asistensia sei la para deit hodi transporta vasina. transporta vasina ne’e nuudar pasu importante ida, maibé buat hirak ne’e sira sei la vale wainhira nasaun sira lahó kapasidade neebé sufisiente iha sira nia sistema nasionál saúde nian atu implementa kampaña vasinasaun.

Ikus nia dehan, ekipa Europeia nian  40 bilhão Euro, iha misaun global atu apoia país parseiru sira iha mundu tomak iha luta hasoru pandemia korona vírus no ninia konsekuénsia sira, ne’ebé envolve fó atensaun ba nesesidade imediata saúde nian no umanitáriu, hodi reforsa sistema saúde nian no apoia rekuperasaun ekonómika no protesaun sosiál. Vit