Komunidade Barak Husi, Manleuana-Laulora, Nia-uma Mota Lori

Naunil Media (Dili), Reprezentante komunidade Alvaro Soares husi Aldeia Laulora Suku Manleuna deklara udan ne’e boot durante kalan ida ikus mai, hamaosu mota mota sobu drainajen mota ikus mai sobu no lori komuniadade nia uma.

“Iha Sabadu ne’e udan, ami la imajina katak ami nia uma mota bele sobu, tanba ami hela dook husi mota.Maibé derpenti iha tuku rua mota konsege boot sobu drainajen no ikus mai konsege sobu komunidade nia uma” hateten vitima ba dezastre ne’e iha nia hela fatin aldeia Laulora, domingo (04/04/2021).

Nia hatuan governu atu halo drainajen presiza mós halo ajuda ba komunidade afetadu sira ne’ebé mak agora dadaun hela iha viziñu nia uma.

“Dadaun ne’e ami hela iha vizinu nia uma, ne’ebé ami husu ba governu atu hare mos ami nia kondisaun,” nia hateten

Nia argumenta relasiona serka sanitaria ne’ebé durante governu implementa la autoriza sira halo serbisu nune dadaun ne’e sira susar atu hetan osan.

“Ami husu governu ajuda netik ekipamentus ruma, nenu oinsa bele reforsa netik ami nia kbiit”,
Nia hatutan hafoin dezastre ne’e akontese la iha ekipa ida mak tuun hodi halo ajudus urjensia ba sira.

Iha Biban ne’e reprezentante komunidase ne’e husu Governu Ajuda Lalais ekipamentu ba sira nia Bairu hodi kria lalais Drainajen mota.

“Ami husu ba Governu atu mai kria lalais kondisaun atu nune’e mota ne’e labele kontinua estraga ami nia uma.Se agora mak Governu la mai halo orsida uma sira ne’e ba Hotu ona” nia hatutan.

Tuir observasaun iha akontesimentu refere maioria kominidade nia uma barak mak sobu no harahun hosi mota.Inklui raihenek taka metin drainajen bareira mota nian no halo mota sulin lemo lemo ba komunidade nia uma.Dms