PD Apresia PR Promulga OJE 2021
Naunil Media (Díli), Sekretáriu Jerál Partidu Democrtico (PD), António da Conceição ‘Kalohan’ lori Estrutura PD apresia Prezidente Republika (PR), Francisco Guterres ‘Lú Olo’, tanba bele promulga ona Orsamentu Jeral Estadu (OJE) 2021.
SekJer PD kasu lia hirak ne’e hafoin sorumutuk ho Xefe Estadu Timor-Leste (TL), iha Palásiu Prezidensiál Nicolau Lobato Bairu Pité, Tersa (05/01).
“PD hanesan bankada ida iha parlamentu, ami mos fó apresiasaun ba Prezidente Repúblika hanesan aktu politika hodi promulga ona orsamentu jerál estadu 2021, hanesan Prezente diak ida ba ita nian povu, biar COVID ne’e maibe ita iha esperansa kontinua halo dezenvolvimentu ba ekonomia liu husi OJE”, tenikkalohan.
Nia haktuir, biban ne’e Prezidente Repúblika mos husu PD nafatin mantein polítiku dinamika iha parlamentu atu dignifika povu.
“Alende ida ne’e mos Prezidente husu mos ba PD kontinua ho pozisaun polítiku atu nafatin fó apoiu ida diak ba rai ida ne’e”, haktuir SekJer PD no atual Deputadu ne’e.
Prezensa iha enkontru ho Xefe Estadu Timor-Leste mak hanesan, Prezidente PD Mariano Assanami Sabino, Sekretáriu Jerál Antonio Conceição ‘Kalohan’, inklui Adriano do Nascimento.
Prezensa líder PD nain tolu refere Palásiu Prezidensial, atu hato’o mos Feliz Santu Natal 2020 no Tinan Foun 2021 ba Xefe Estadu Timor-Leste Lú Olo. Pau
