LaKonsidera Karta Alta Husi Covid-19 Estudante Lautem Lasatifas Ho Deklarasaun Administrador
Naunil Media (Dili), Reprezentante estudante husi Munisipiu Lautem Lamenta ho deklarasaun ne’ebé deklara husi administradór munisipiu Lautem kona-ba estudante Lautem ona ne’ebé iha ona karta alta Covid-19 atu ba Lautem presiza kumpri tan izolamentu.
“Ami husi estudante Munisipiu Lautém la satisfas ho eselensia administrador munisipiu Lautem nian regulamentu ne’ebé mak fó sai katak, ami sira ne’ebé maka tama isolamentu iha munisipiu Dili kumpri ona loron sanulu resin (14) no hetan mos karta alta husi sentru Isolamentu no karta autorizasaun husi sentru Integradu jestau krise (CIGC) atu halo viajen husi Dili ba Munisipiu Lautém,presiza tan kumri isolamentu,” deklara reprezentante estudante Helder da Costa Liu husi via wahstapp sabadu (29/05).
Nia deklara baihira sira halo viajen to’o iha fronteira entre Munisipiu Baucau ho Lautém Seguransa no Pesoal Saude sira iha fronteira ne’eba la konsidera sira-nia karta alta ne’ebé mak sira hetan husi sentru Isolamentu Nacional Dili,
“Sira deklara ba ami katak karta ne’ebé ami hetan husi sentru Isolamentu Covid-19 Dili ne’e dehan la vale tenki foti karta resultadu swab negativu, maibe na realidade ami sai husi sentru Isolamentu la tuir teste swab no pesoal saude sira hateten mai ami katak karta Alta ne’ebé ami hetan ne’e Validu ba Fulan 6 maibe iha municipiu Lautém la konsidera karta Alta ne’ebe ami hetan iha sentru Isolamentu Dili,” nia hatutan.
Nia deklara bainhira sira halo viajem iha ne’eba Seguransa no Pesoal Saúde sira fo obsaun rua maka: tenki tama tan isolamentu, Se lakoi tama isolamento fila fali Mai Dili.
“Ho hahalok no regulamentu sira ne’e maka estudante balun toba de’it iha estrada ninin hodi hein atu ba ninia horik fatin no balun konsege fila fali mai Dili,” nia haktuir.
Iha biban ne’e esdtudante hirak ne’e husu ba sentru Integradu jestau de krize (CIGC) atu resolve lalais sira-nia preokupasaun ne’e hodi fasilita sira ba sira-nia munispiu Lautem. DMS
