Kobertura To’o Area Rural AHDMTL Agradese Ba Media Naunil
Naunil Media (Díli), Relasiona ho públiksaun notisia husi Naunil Media Iha Loron 25/05 kona-ba defisiénsia Francisco de Araujo ho nia feen kaben Maria ne’ebé infrenta kondisaun defisiensia, ba públiku, kordenadór Asosiasaun Halibur defisiénsia Matan (AHDMTL) ható agradese wain ba Naunil Media.
Kordenador halibur defisiénsia matan Adriano Dos Santos, ható agradesimentu ne’e hafoin lori nesesidade bazika ba vizita aman Francisco ho nia-feen kaben Maria iha sira nia hela fatin Fatu-Ahi, Dili sesta (28/05).
“Dala-Uluk agradese ba Naunil Media, ne’ebé ho insiativa halo ona kobertura mai iha fatin rural ida ne’e hodi hare no públika ba públiku kona-ba pai ho mae nia kondisaun nune ikus mai ami hare, ami husu tuir ohin loraik ami to mai iha fatin ne’e” hateten kordenador hanesan mos defisiénsia matan ne’e iha hela fatin Francico nia iha suku kamea, aldeia Aidak Behare Fatu-Ahi munisipiu Dili.
Nia hatutan iha vizita ne’e sira nia-parte la lori buat barak, maibé hanesan ema umanu presiza lolo liman hodi ajuda malu iha tempu susar.
“Ami mai la lori buat barak, ami mai lori mak foos karon ida, mina masa ida, balde ida, mantolun rak ida inklúi sasan balun iha plastiku laran,” nia hatutan.
Nia deklara ” situasaun ida hanesan ne’e ita ho ita mak ajuda malu, ema boot sira la preokpa saida mak agora ita hasoru”.
Hafoin Adriano ható, defisiénsia Francisco mos espresa ho sentimentu kontente ba prezensa AHDMTL no jornalista Naunil Media.
“Imi nia prezensa mai fo ksolok mai ami, agradese ba Maromak tanba imi bele to mai hare direita ami,” espresa aman ne’e hafalun ho mata-ween.
Aman ne’e deklara espera ho prezensa ne’e sei bele lori inspirasaun foun ba sira. Maibe sira sei nafatin moris triste tanba kondisaun uma ne’ebé sira hela ba fó amesa boot ba sira.
” Hori kalan anin boot ami tuun ba toba iha ai huun ne’eba loron mak ami sae mai, tanba ami tauk anin sobu kalen sira ne’ebé mak la metin ona”
Hafoin ne’e husi parte AHMDTL entrega simbolika sasan nesesidade ba familia ne’e, no sira promete sei buka kadeira roda ida hodi oferese ba Maria Francisco nia kaben ne’ebé mak kona struk.
Kona- ba AHMDTL ho ekipa Naunil Media to iha fatin refere, tanba iha kordensaun ba malu entre parte rua ne’e hodi sai mata dalan ba malu.
Nune tuir observasaun Naunil Media katak banhira, to iha fatin refere atu to ba familia ne’e nia uma dook husi estrada boot maizoumenus kilu metru 1 tuir estrada ne’ebé ho kondisaun La diak no subida oitaon, nune to ba iha fatin refere sei lao ain maizoumenus metru 70 foin to uma familia refere nian. pau/ Dms/Ivo
