Asian Games Dala-19 Iha Xina, PM Xanana Dejeza Susesu Ba Atleta Na’in-58
Naunil Media (Díli), Kuarta (13/09) ne’e Primeiru Ministru (PM) Kay Rala Xanana Gusmão dejeza susesu ba atleta Timoroan hamutuk ema na’in-58 ne’ebé reprezenta Timor-Leste hodi partisipa Asian Games 2023 ba dala-19 iha Hangzhou Xina.
Atleta Timoroan 58 ne’e kompostu hosi feto 24 fahe ba atleta feto na’in ualu (, Ofisiál feto na’in-16 no mane na’in-34 ne’ebé mai hosi federasaun 10 hanesan, Tenis do Campo, Atletismu, Taekwondo, Karate-do, Natasaun, Federasaun Tiru, Boxe, Federasaun Halterofelismo, Badminton no Vollybool Praia.
“𝗪𝗮𝗼𝗼𝗼 𝗶𝗺𝗶 𝗯𝗮𝗿𝗮𝗸 𝗹𝗼𝗼𝘀 𝗻𝗲’𝗲, 𝗵𝗮’𝘂 𝗱𝗲𝗷𝗲𝘇𝗮 𝘀𝘂𝘀𝗲𝘀𝘂 𝗯𝗮 𝗶𝗺𝗶 𝗵𝗼𝘁𝘂, 𝘁𝗲𝗻𝗸𝗶 𝗵𝗮𝗻𝗲𝘀𝗮𝗻 𝗻𝗲’𝗲 𝗱𝘂𝗻𝗶, 𝘁𝗮𝗻𝗯𝗮 𝗵𝗼 𝗱𝗲𝘀𝗽𝗼𝗿𝘁𝘂 𝗺𝗮𝗸𝗮 𝗶𝘁𝗮 𝗯𝗲𝗹𝗲 𝗽𝗿𝗼𝗺𝗼𝘃𝗲 𝗶𝘁𝗮 𝗻𝗶𝗮 𝗿𝗮𝗶𝗻 𝗻𝗼 𝗵𝗮𝘁𝘂𝗱𝘂 𝗶𝗺𝗶 𝗻𝗶𝗮 𝘁𝗮𝗹𝗲𝗻𝘁𝘂 𝗵𝗼 𝗽𝗿𝗼𝗳𝗶𝘀𝗶𝗼𝗻𝗮́𝗹,” dehan Xanana durante hasoru malu ho atleta no ofisiál sira iha Palasiu Governu,Dili.
PM Xanana husu ba atleta tau aan hanesan embaixador desportu hodi compete iha atividade desportu ho profionál hodi foti no hamoris imajen desportu Timor-Leste.
Tuir Xanana, jogu desportu saída de’it nu’udar atividade ida atu ema individu bele hatudu ka promove ninia telentu no tekniku kompetetivu atu bele matan iha jogu ida.
Xefe Governu promete, governu ne’e sei tau matan ba kondisaun desportu hotu iha Timor-Leste tuir politika ne’ebé trasa ona.
Iha fatin hanesan, Prezidente Sesante Comite Olimpico Nasionál Timor-Leste (CONTL), Mateus da Cruz hato’o agradese no husu ba atleta hotu kaer metin mensajen murak ne’ebé hato’o hosi PM Xanana inklui Prezidente Repúblika, José Rmaos-Horta.
Atleta hirak ne’e sei aranka hosi Timor-Leste ba Hangzhou Xina iha loron 16 fulan setembro agora no fila fila fali iha loron 08 otobro 2023. Kou/*
