CNE La Autoriza Labarik Partisipa iha Kampaña PR
Naunil Media (Díli), Prezidente Comissão Nacional das Eleições (CNE) Jose C. Belo Pereira, Husu ba ekipa kanidatura prezidente Repúblika sira atu label envole labarik kiik sira partisipa iha kampaña Prezidente Republika.
“Husu ekipa sira labele husik labarik sira iha fatin kampaña, durante kampaña observa husi ekipa CNE katak iha duni labarik kiik sira partisipa iha kampaña”, dehan Prezidente CNE Jose C.Belo Pereira ba jornalista sira iha Salaun CNE, sexta (04/03).
Prezidente CNE hateten kanidatura Prezidente Repúblika sira labele kria mini kampaña iha fatin ne’ebé de’it.
“Husu sira respeita nafatin kalendariu ne’ebé mak hato’o ona no evita mini kampaña, difisil ba CNE, observador internacional, no siguransa sira atu asegura kampaña ne’e ho di’ak, mós labele mobiliza elitores sira husi munisípiu seluk razaun Covid-19, no lalika hakilar artemarsias nia naran”, katak nia.
Nia Hatutan, kampaña hahú iha loron 2 mai to’o ohin loron 4 CNE seidauk rejista keiza ruma husi kandidatu sira.
Ha’u hanoin iha kampaña sira ko’alia de’it sira nia programa, mosu insultu malu ruma CNE sei foti desizaun tuir lei, dehan nia.
Kampaña ba Prezidente hahú iha loron 02/03/2022, sei hotu iha loron 16/03/2022, no halo elisaun iha loron 19/03/2022. Agi