Kazu Suspeitu COVID-19 Sa’e Ba 46

Fahe Tutan

Naunil Media (Díli), Membru gabinete Sentru Integradu Jestaun Krize Dr. Rui Maria de Araújo, hatete dadaun ne’e kazu suspeitu  surtu corona virus (COVID-19) aumenta ba 46, kuarentina 958 no provável hamutuk 4.

“Iha informasaun importante ne’ebé hato’o ba públiku mak iha konfinamentu obrigatóriu iha kuarentina hamutuk 958, iha fasilidade estadu prepara hamutuk 864, autokonfinamentu obrigatóriu iha uma hamutuk 74”, hatete membru gabinete Jestaun Krize Dr. Rui M. de Araújo, ba jornalista sira iha Sala Situasaun Sentru Integradu Jestaun Krize, Centro de Convençoões de Díli (CCD), Tersa (07/04).

Membru gabinete ne’e informa liu tan, hosi sira ne’ebé halo konfinamentu obrigatóriu loron rua liu ba iha Ro hamutuk 30 no iha Atauro hamutuk 4.

“Iha balun mos halo konfinamentu iha Ro hamutuk 30, sira sei mantein nafatin medikus infermeiru sei akompaña sira, iha Oe-Cussi hamutuk 68, Atauro hamutuk 4, ne’e laiha konfinamentu obrigatóriu fasilidade estadu nian maibé sira halo autokonfinamentu obrigatóriu iha sira nia uma rasik maibé sira nain 4 ne’e passa hotu ona”, informa Dr. Rui.  

Nia relata, “Ema ne’ebé hotu ona ba periódu konfinamentu obrigatóriu loron 14 hamutuk 736, iha Díli hamutuk 617, iha munisipiu sira hotu hamutuk 119”.  

Ikus liu, Dr. Rui Maria de Araújo, apela ba sira ne’ebé kompleta ona konfinamentu obrigatóriu fila ona ba ida-idak nia uma ne’e presija atensaun nafatin karik iha sintomas ruma keta haluha ba sentru saúde sira ne’ebé besik ka kontakta diretamente ba númeru 119 hodi bela heran atendimentu. Apm

Leave a Reply

Your email address will not be published.