Ministru Salvador Sei Hatan Preokupasaun Funsionáriu Sira Iha Sentru Eletrônika Hera

Fahe Tutan

Naunil Media (Díli), Ministru Obras Públikas (MOP), Salvador Eugénio Pires, hateten nia sei eforsu hodi hatan ka fó resposta satisfasaun ba preokupasaun hosi funsiunáriu sira tékniku iha Sentru Eletrônika Hera mak ameasa atu abandona servisu.

Ministru Obras Públikas (MOP), Salvador Eugénio Pires, ba jornalista sira iha nia kna’ár fatin, Kaikoli, Tersa (07/04)

“Estadu Emergensia ne’ebe Prezidente Republika dekreta iha dia 28 fulan Marsu, dekretu Lei númeru 3/2020 no iha ne’eba sita mos unidade servisu esensiaís sira tenke kontinua presta servisu. Hau simu karta hosi staff no atraves hosi Diretór Jerál sira, katak funsionáriu sira husu subsidiu. Hanesan Ministru ne’ebe tutela konsidera, ami lori proposta ne’ebe elabora hela dezde semana kotuk no ohin tan ho MCAE par aban atu aprezenta ba Konselu Ministru hetan aprovasaun, maibe la aseita ita nia funsionáriu EDTL, ami nian funsionáriu rasik fo ultimatu atu hapara sira nia aktividade”, haktuir Nia Ministru Obras Públikas Salvador Pires.

Nia dehan, hanesan ministru tau atensaun no sempre halo esforsu maka’às atu oinsa akomoda sira nia ezijénsia.

“Tuir dekretu governu numeru 3/2020 i liu-liu artigu 33 Funsionáriu no traballadór esensiaís tenke presta nafatin servisu, se sira presta servisu sei hetan sansaun disiplina ho kazu grave, liu-liu ita nia kontratadu kazuais sira bele hetan espulsaun, maibe hau espera ita sei la to’o iha ne’eba, hau nia funsionáriu sira kopera, tanba sira hatene katak ministru esforsu maka’às los atu akomoda sira nia situasaun”, tenik Nia

“Solusaun mak sira nia karta horseik hau simu, haruka ona ba Diretór Jerál sira, mais apezar ida ne’e sira la haruka karta mai mos ministru konsidera dezde semana kotuk, ami prepara hela proposta ne’ebe ami elabora hela ho pakote MCAE nian, tanba ida ne’e subsídiu finanseira, presija fó osan tanba ne’e orsamentu ba COVID-19 nian U$ 150 ne’ebe aprova ona iha parlamentu nasionál, entaun ami rekere ba osan ida ne’e, tanba situasaun ida ne’e espesiál liña-ministeriál ho duadésimu la iha osan par halo sasan hirak ne’e”, esplika Nia.

Ikus liu membru governu konstitusionál da-ualu ne’e apela ba funsionáriu sira tékniku atu kontinua nafatin presta servisu, la preseiza halo santazen ka ameasa par halo greve, tanba governu haree hela sira nia nesesidade. Uar

Leave a Reply

Your email address will not be published.