Governu Planu Harii Uma 60 ba Veteranu Sira Kompleta 24 Anos Iha Ai-Laran
Naunil Media (Díli), Governu konstitusionál da-ualu, planu atu halo uma 60 ba veteranu sira mak rejiste durante tinan 24 iha ai-laran hasoru inimigu to’o Timor-Leste hetan independensia.
Prezidente Administrasaun Konsellu Kombatentes Libertasaun Nasional (KKLN) Vidal de Jesus ‘Riak Leman’, ba jornalista sira hafoin sorumutuk ho Primeiru Ministru Taur Matan Ruak, iha Palásiu Governu, Tersa (10/11).
“Uma ne’ebé mak Governu planu atu halo ba veteran sira hamutuk 60, ne’e bazeia ba sira ne’ebé servisu iha funu laran hasoru inimigu durante tinan 24 anos ai-laran”, tenik Riak Leman.
Nia dehan, funu hotu gerileiro sira balun uma laiha, rai laiha, liu-liu husi rejiaun I Ponta Leste, rejiaun II Viqueque, Baucau. Eva/Jjf
