Lei Eleisaun Define Antes 60 Nulu PR Tenke Dekreta Data
Naunil Media (Díli), Tuir Konstituisaun Repúblika Demokrátika Timor-Leste (KRDTL) no Lei eleisaun prezidensiál define katak antes loron 60 Prezidente Repúblika tenke dekreta ona data eleisaun prezidensiál.
“Maibé tanba Konstituisaun define ona kompetensia eskluzivu prezidente Repúblika, nune’e mós lei eleisaun prezidensiál ne’ebé define katak antes 60 dias tenke prezidente Repúblika dekreta ona data, tanba ne’e mak PLP ohin mai hasoru prezidente Repúblika”, dehan dehan porta voz Partidu Libertasaun Populár (PLP) Francisco De Vasconcelhos ba jornalista sira hafoin enkontru ho Prezidente Repúblika Francisco Guterres “Lú Olo” iha Palásiu Prezidensiál Nicolau Lobato Bairru Pite, Kinta (06/01).
Líder PLP ne’e hatutan, Hanesan baibain iha periodu eleisaun prezidensiál iha no agora tinan 2022, tanba Konstituisaun RDTL artigu 86 pontu C katak prezidente Repúblika iha kompetensia, atu dekreta loron no data eleisaun hahú kedas eleisaun prezidensiál no mós eleisaun parlamentár aban bain rua iha 2023.
Tanba atu tama ona ba eleisaun Prezidensial nune’e mak prezidente bolu partidu libertasaun popular, hanesan Partidu polítiku ida hakarak prezidente informa kona-bá data eleisaun nian. antes prezidente dekreta aumezmu tempu prezidente mós rona opiniaun husi partidu polítiku liuliu PLP. Dehan nia.
Nia dehan, Prezidente Repúblika sei rona opiniaun Partidu polítiku sira nian, no kompetensia eskluzivu prezidente nian no lei define ona katak antes labele liu loron 60.
“Kona-ba data prezidente Repúblika apenas rona Partidu polítiku nia opiniaun, maibé data ne’e kompetensia eskluzivu, iha lei define katak antes labele liu loron 60 signifika katak dentru Janeiru nia laran semana ida rua mai tan Prezidente Repúblika tenke dekreta ona, iha ne’e tanba 60 dias iha Marsu tama ona ba eleisaun karik ba sengundu vota iha Abríl”, katak nia.
Nia hateten Opiniaun ne’ebé PLP nian mak kumpri de’it mandatu konstitusionál lei eleisaun prezidensiál, ne’ebé guia katak tenke hakruk tuir lei labele liu loron 60 signifika ohin tenke prepara ona iha ne’e semana mai Prezidente dekreta ona depende prezidente dekrata iha data hira maibé labele liu 60 dias lei ko’alia klaru ona.
Iha enkontru ne’e mós Prezidente Repúblika husu hanesan Partidu polítiku kontribui, tanba sei iha periodu pandemia Covid-19 klaru katak wainhira tama ona iha kampaña halibur ema barak no Partidu polítiku nia papél mak oinsá ko’alia ho sidadaun sira uza maskara kampaña modelu saida de’it orsida depende ba orgaun administrasaun Eleitoral sira mak define maibé kontribuisaun partidu polítiku nian tanba sei iha Covid-19 espalla Virus foun Omikrom.
Jornalista *Jos
Editór Lop
