Joven Nain Rua Lanu Tuda Kualker Ema Iha Igreja Katedral Díli
Naunil Media (Díli), Segunda (26/06) kalan nee, joven nain rua ho kondisaun lanu hodi kaer fatuk tuda kualker ema iha dalan públiku iha area Igreja Katedral Díli.
Iha loron ne’ebe hanesan Servisu Informasaun Polísia (SIP-Makikit) hosi Polísia Nasionál Timor-Leste (PNTL) simu informasaun hosi fontes akreditadu husi autoridade lokal, no ekipa tun kedas iha terenu hodi atua joven nain rua refere.
Ekipa Makikit hafoin to’o iha fatin , ho esforsu duni autor sira tama iha dalan klot no konsege kaptura uluk suspeitu nain-1 ho inisial EML, tinan 19 kaer hela fatuk ne’ebe halai labele tanba kondisaun lanu todan.
Hafoin asegura nain-1 grupu joven sira kontinua lansa fatuk barak liu tan mai ekipa servisu maibe sorte diak lakona membru ida inklui kareta ne’ebe mak uza ba servisu.
Derepente komunidade sira identifika tan joven nain -1 nune’e sira informa katak sira mak ohin hamutuk halo problema iha area refere.
Hafoin asegura joven nain-2 ne’e ekipa servisu kontatu kedas ba Esquadra Vera-Cruz junta ho ekipa 30 hosi Kontijente Jeral lori kedas ba Esquadra Vera-Cruz hodi kontinua prosesu identifikasaun. Ana
