FEATUREDGeralIkus LiuNews

PR Partisipa Forum Jeju Iha Korea Sul

Fahe Tutan

Naunil Média (Díli), Prezidente Republika (PR), José Ramos Horta, Partisipa forum Jeju iha Korea Súl no sai orador prinsipál ho tema “Pas no prosperidade”

“Iha vizita Estadu ne’e, Prezidente Republika José Ramos-Horta mos sei vizita Kortel Jeral SK E&S no SK Forest, kompañia rua ne’ebé investe iha Timor Leste, no sei hala’o sorumutuk ho Ninia homológu Prezidente Korea Exelénsia Yoon Suk Yeol”. Dehan PR liu husi komunikadu imprensa iha Aeroportu Internasionál Nikolau Lobato Comoro Dili, Tersa (30/05).

Tuir agenda, Prezidente Republika mos sei hala’o enkontru ho Institusaun Públiku no Privadu hodi husu tulun hodi harii  eskola téknika vokasional ba joven timoroan sira.

Prezidente Repúblika mos sei akompaña husi delegasaun ida husi Ajensia National Petroleu no Mineral (ANPM) atu explora tan esperiénsia no oportunidade kona-ba investimentu iha projetu armajenamentu no kaptura karbonu iha instalasaun husi kampu petrolíferu iha Bayu Undang.

Aleinde vizita kortejia ida ne’e, mai ho objetivu atu hametin lasu amizade entre nasaun Timor Leste ho Korea Sul, nune’e mos atu identifika setor produtivu balun ne’ebé ligadu ho kooperasaun ekonómika iha futuru.

Hafoin remata vizita iha Korea Sul, iha dia 4 de Juñu, Prezidente Repúblika sei kontinua vizita ba nasaun Singapore hodi partisipa iha Simeira Asian nian kona-ba Seguransa ba dala 20. Ana

Leave a Reply

Your email address will not be published. Required fields are marked *