CNRT Ho PD Mak Aumenta Kadeira Iha ELPAR 2023
Naunil Média (Díli), Sekretáriu Jerál Partidu kongresu Nasionál Rekonstrusaun Timor (CNRT), Francisco Kalbuadi Lay hateten, CNRT ho Partidu Demokrátika (PD) mak sei aumenta kadeira hodi forma governu ba da IX nian iha eleisaun Parlamentár 2023
“Partidu hamutuk 17 mak kompete iha eleisaun parlamentar, maibe partidu lima mak hetan asentu parlamentar mak CNRT, FRETILIN, PD, KHUNTO no PLP, no iha ne’e CNRT mak aumenta kadeira 10 husi 21 ba 31 no PD mak aumenta kadeira 1 husi 5 ba kadeira 6, entaun CNRT sei komunika uluk nia aliadu PD, tanba ha’u hatene PD sei la ba iha plataforma, ami nia komunikasaun individu no partidu desde uluk ami di’ak hela inklui ho partidu sira seluk”. Dehan sekretariu jerál partidu CNRT ba jornalista iha nia komunikadu imprensa iha sede nasionál partidu CNRT bairos dos grilhos, Tersa (30/05)
Sekretáriu Jerál Partidu CNRT ne’e hatutan katak, CNRT sei tane aas povu nia konfiansa, wainhira ukun sei prioritija politika desentralizasaun moris di’ak ba povu no dada kadoras greater sunrise mai Timor-Leste.
“Ami tenki tane povu nia fiar, tanba povu fo konfiansa ba ami CNRT sei tau propriedade ba programa desentralizasaun, moris di’ak, empregu ba joven sira dada kadoras mai Timor-Leste”. Nia akresenta
Enkuantu partidu CNRT mós agradese ba povu Timor-Leste konfiansa iha eleisaun parlamentar 2023, CNRT sei tane konfiansa ida ne’e hodi moris di’ak no dezenvolvimentu ba povu Timor-Leste.
Partidu CNRT hetan kadeira 31, partidu frenti Revolucionario Timor-Leste Independente (FRETILIN) hetan kadeira 13 ne’ebe tun husi kadeira 23, partidu demokratiku (PD) hetan kadeira 6, ne’ebe aumenta kadeira ida,partidu kmanek haburas unidade nasional Timor oan (KHUNTO) mantein hetan kadeira 5 no partidu libertasaun popular (PLP) hetan kadeira 4 ne’ebe lakon kadeira 4 iha eleisaun tinan ida ne’e. Sich
