Jenerál Lere : “Governu Tenke Kria Regulamentu Ba Arte Marsiál”
Naunil Media (Díli),
Xefe Estadu Maiór Jenerál FALINTIL Forsa Defeza Timor-Leste
(F-FDTL), Maijór Jenerál Lere Anan Timur, hateten Governu tenke kria regulamentu
no kriteria ba grupu arte marsiál sira atu la’o tuir, sela’e arte marsiál sai
fali bandalizmu rai- laran.
Xefe Estadu Maiór Jenerál F-FDTL, Maijór Jenerál Lere Anan Timur, ba jornalista sira hafoin sorumutuk semanal ho Prezidente Repúblika (PP), Francisco Guterres ‘Lú Olo’, iha Palásiu Prezidensial, Bairru Pité, Kuarta (03/06).
“Guvernu tenke kria regulamentu no kriteria ba arte marsais sira para la’o tuir, selae arte marsiais sira sai fali bandalizmu iha ita nia-rai-laran. Arte marsiais sira tenke organizadu, uluk hau hateten tiha ona, arte marsiais ne’e hanesan desportu ida e tenke organizadu para sira halo tuir”, hateten Eis gerileiru komandante rejiaun um Ponta Leste no atual Xefe Estadu Maiór Jenerál F-FDTL, Maijór Jenerál Lere Anan Timur.
Kona-ba situasaun seguransa rai-laran, durante periodu Surtu COVID-19 iha Timor-Leste, situasaun la’o ho kontroladu, maske akontese problema oituan iha parte leste, maibé la grave.
“Durante ne’e situasaun iha rai-laran la’o ho normál no ladun grave, dala ruma arte marsiais sira liu-liu iha parte leste parte Baucau, Viqueque, maibé ladun grve liu”. Dehan Jeneral Lere. Pau