Bankada Governu Hahu Hasai CNRT Hosi Estrutura Komisaun A To’o G Iha PN

Fahe Tutan

Naunil Media  (Díli), Kuarta (03/06) ne’e, Parlamentu Nasionál (PN) halo ona mudansa ba kompozisaun komisaun espesializada husi A to’o G ne’ebe antes ne’e lidera husi deputadu sira husi bankada Congreco Nacional de Reconstrucão Timor (CNRT) iha Paralmentu Nasionál.

Aantes ne’e, komisaun balun mos lidera husi Partidu Libertasaun Popular (PLP) no Kmanek Haburas Unidade Nasionsal Timor Oan (KHUNTO) mantein no troka deit husi estrutura balun lidera husi CNRT.

Komisaun A Parlamentu Nasional trata asuntu Konstitusionais no Justisa ne’ebe antes ne’e lidera husi Prezidente Komisaun mak deputada Carmelita Moniz husi bankada CNRT no Vise-Prezidente deputadu Fransisco Vasconcelhos husi bankada PLP.

Dadaun halo ona mudansa ba estrutura Komisaun A Prezidente Komisaun foun mak deputadu Joaquim do Santos husi bankada FRETILIN no Vice-prezidente mantein ho deputadu Fransisco Vasconcelhos husi bankada PLP.

Komisaun D Parlamentu Nasional trata asuntu Ekonomia no Dezenvolvimentu ne’ebe antes ne’e lidera husi Prezidente Komisaun mak deputada Virginia Ana Belo husi bankada CNRT no Vice-prezidente Ricardo Batista husi bankada CNRT.

Dadaun halo ona mudansa ba estrutura Komisaun D Prezidente Komisaun foun mak deputadu Antonino Bianco husi bankada FRETILIN no Vice-prezidente  deputada Olinda Guteres husi bankada KHUNTO.

Komisaun E Parlamentu Nasional trata asuntu Infra-Estruturas ne’ebe antes ne’e lidera husi Prezidente Komisaun mak deputadu Abel Pires da Silva husi bankada PLP no Vise-Prezidente deputada Marcos Xavier husi bankada CNRT.

Dadaun halo ona mudansa ba estrutura Komisaun E, Prezidente Komisaun mantein ho deputadu Abel Pires da Silva husi bankada PLP no Vice-prezidente mak troka ona ho deputadu Fabiao de Oliveira husi Partidu FRETILIN.

Komisaun F Parlamentu Nasional trata asuntu Saúde, Seguransa Sosiais no Igualdade Jeneru ne’ebe antes ne’e lidera husi Prezidente Komisaun mak deputada Maria Bareto husi bankada CNRT no Vice-prezidente Noe da Silva husi bankada PLP.

Dadaun halo ona mudansa ba estrutura Komisaun F, Prezidente Komisaun foun mak deputadu Noe da Silva husi bankada PLP no Vice-prezidente deputadu Filix da Costa husi bankada FRETILIN.

Komisaun G Parlamentu Nasional trata asuntu Edukasaun, Juventude Kultura no Sidadania ne’ebe antes ne’e lidera husi Prezidente Komisaun mak deputada Albina Marcal husi bankada CNRT no Vice-prezidente Sabino Soares Guntur husi bankada PLP.

Dadaun halo ona mudansa ba estrutura Komisaun G, Prezidente Komisaun foun mak deputadu Antonio Verdial husi bankada KHUNTO no Vice-prezidente deputada Josefa Pereira husi bankada FRETILIN.

Entertantu Komisaun Parlamentu Nasional rua mak ohin sidauk halo mudansa entaun adia ba aban loron kinta 4 Fulan Junu tinan 2020.

Komisaun B Parlamentu Nasional trata asuntu Negósius Estranjeirus, Defeza no Seguransa ne’ebe antes ne’e lidera husi Prezidente Komisaun mak deputadu Aderito Hugo husi bankada CNRT no Vice-prezidente deputadu Cornelio Gama L7 husi bankada PLP.

Dadaun sidauk halo mudansa ba estrutura Komisaun B no sei adia ba aban.

Komisaun C Parlamentu Nasional trata asuntu Finansas Publikas ne’ebe antes ne’e lidera husi Prezidente Komisaun mak deputada Fernanda Lay husi bankada CNRT no Vice-prezidente Rosalina Ximenes husi bankada PLP. Dadaun ne’e sidauk halo mudansa ba estrutura Komisaun C no sei adia ba aban. Uar

Leave a Reply

Your email address will not be published.