Deskonfia Membru PNTL Fasilita Oan Sira ba Sa’e Sintu iha Indonézia
Naunil Media (Díli), Vise-Ministru Interior (V-MI), António Armindo, hateten deskonfia membru balun husi Polísia Nasionál Timor-Leste (PNTL) fasilita oan sira ba sa’e sintu iha indonézia.
“Membru PNTL balun fasilta sira nian oan ba sa’e sabuk (sintu) iha sorin (indonézia), ne’e la’ós problema. Maibé, prolema primeiru ne’e mak ba sorin illegal no fila fali mai obrigatóriu tenki tama kuarentena hodi labele habelar moras COVID-19”, Vise-Ministru Interior (V-MI), António Armindo, ba jornalista sira hafoin abertura reuniaun entre Sekretaria Estadu Protesaun Sivíl ho parseiru sira internasionais sira, iha Otél JL-Vila, Tersa (22/09).
Kona-ba informsaun ne’e, membru Governu konstitusionál da-ualu, António Armindo, fó orientasaun ba Komandu Jerál PNTL atu halo investigasaun.
“Ami mós fó ona orientasaun ba Komissario Jeral para atu halo investigasaun kona-ba kazu ne’e i agora dadaun hahú ona prosesu investigasaun depois mak ita rona nian rejultadu”, tenik Governante ne’e.
Nia husu ba sidadaun sira mak tomak án liu husi dalan illegal atu voluntariamente entrega an hodi tama kuarentena, tanba moras COVID-19 perigu ba ema nia vida. Emj5
