KHUNTO Apoia Governu Ba Estensaun EE Kombate COVID-19

Fahe Tutan

Naunil Media (Díli), Xefe  Bankada Parlamentár  Kmanek Haburas Unidade Nasionál Timor Oan (KHUNTO), Deputadu Luis Roberto, hateten partidu KHUNTO fó ninian apoiu ba governu hodi vota a-favór estensaun ba estadu emerjénsia nune’e governu bele halo esforsu kombate ba Surtu COVID-19.

Xefe bankada KHUNTO, deputadu Luis Roberto ba jornalista sira iha resintu Parlamentu Nasional (PN),  Tersa (28/04).

“KHUNTO tenke fó ninian apoia  ba oitavu governu hodi kontinua  servisu komabate COVID-19. Sé deputadu/a  sira KHUNTO nian nain lima mak la apoia ne’e hatudu katak polítika la’o la lo’os ona, tanba kuadru KHUNTO nian mos envolve hela iha governu”, hateten Deputadu Luis.

Tuir deputadu atual vise daruak prezidente Parlamentu Nasionál, Luis Roberto, katak loloos ne’e deputadu sira hosi partidu CNRT mós tenke fó  apoia estensaun EE  tanba CNRT nian  iha  hotu oitavu governu, maibé realiade CNRT vota kontra ba estensaun EE nian.

“Ha’u husu ba partidu polítiku hotu-hotu tenke tau sees tiha polítiku, hotu-hotu tenke apoia oitavu governu hodi halo prevensaun ba COVID-19. Partidu KHUNTO hatudu ona liuhosi plenária horisehik (segunda 27/04), kona-ba  koligasaun  foun ne’ebé lidera hosi partidu  CNRT ne’e formál no sei hein hela dezisaun hosi  ninia desizaun Prezidente Repúblika, Francisco Guterres ‘Lú Olo’”, Tenik deputadu Luis Roberto.

Nia dehan, apoia estensaun Estadu Emerjénsia, tanba realidade hatudu povulasaun iha rai seluk mate ba COVID-19  hanesan animál ho ida ne’e Timor- Leste tenke iha prevensaun liuhosi  governu hodi prevene peste ne’e. Ana.

Leave a Reply

Your email address will not be published.