FEATUREDIkus LiuNewsPolitika

Anacleto : Kria Lei Ida Fó Justisa Sosial Ba Ema Hotu

Fahe Tutan

Naunil Media (Viqueque), Kandidatu Prezidente Repúblika (PR) ho númeru sorteiu lima (5), Anacleto Bento Ferreira, hateten bainhira eleitu núdar xefe estadu (Komandante Supremu) sei fó hanoin ba Governu atu kria lei ida hodi fó justisa sosial ba ema hotu.

“Hanesan Prezidente Repúblika tenki halo esforsu tomak atu dehan ba Governu katak, tenki kria lei ida atu fó justisa sosial lolos ba ema hotu-hotu. La’ós de’it tanba ema polítiku nia meritu, maibe povu mak merese liu no rekonesementu ba funsionáriu públiku sira”, informa Kandidatu PR husi Partidu Demokrátika Repúblika Timor (PDRT), Bento, liu husi nia diskursu durante door to door iha Munisípiu Viqueque, Sesta (11/3).

Tuir nia, durasaun pozisaun polítika badak, ba tinan lima, maibé funsionáriu públiku ida ninia servisu nia vida tomak iha funsionalismu públiku.

“Rekonesementu tenki halo ho justu ba ema hotu-hotu iha rai ida ne’e, liu-liu ba ema hirak ne’ebé mak dedika an tomak durante luta ba libertasaun iha rai ida ne’e”, Tenik nia

Nia hateten “Ida ne’e hanesan programa espesifiku partidu nian hodi esklarese bai ta tomak iha ne’e, liu husi door to door”.

Nia promote, karik eleitu sei la’o tuir no implementa komprimisiu durante period kampanha eleitoral. LTS

Leave a Reply

Your email address will not be published. Required fields are marked *