Berta : Sei Fó Prioridade Problema Má Nutrisaun Iha TL
Naunil Media (Covalima), Kandidatura Prezidente Repúblika (PR) ho número sorteiu 9, husi Partidu Kmanek Haburas Unidade Nasional Timor-Oan (KHUNTO), Armanda Berta dos Santos, promete sei fó hanoin ba Governu tau planu prioridade ba má nutrisaun iha Timor-Leste (TL), bainhira eleita núdar ema númeru um (1).
“Bainhira povu fó fiar ba hau sai Prezidente Repúblika, mak oinsa atu tau orsamentu bo’ot ba má nutrisaun mak sai preokupasaun públiku”, deklara kandidatura PR ho númeru sorteiu 9, liu husi kampanha nakloke iha Munisípiu Covalima, Kampo Futebol Ladi, Damingo (13/03).
Nia dehan, sei fó hanoin ba Governu atu orsamentu bo’ot ba kombate má nutrisaun, hodi hapara tiha preokupasaun públiku konaba mioras refere, tanba nasaun ida forte kuandu nia-sidadaun sira hotu-hotu iha saúde ne’ebé di’ak.
“Ha’u sei haree liu ida ne’e (má nutrisaun) iha munisípiu hotu-hotu, bainhira eleita ba Prezidente Repúblika. Númeru má nutrisaun aas tebes, ita sei tau orsamentu bo’ot”. tenik nia. Ana
