Lere La’os Di’ak Liu Lider Sira Seluk, Maibe Diferente

Naunil Media (Aileu), Kandidatu Prezidente da Republika periodu tinan 2022-2027, Tenente Jeneral reformadu Lere Anan Timur, hateten, Hau la’os di’ak liu  lider sira seluk maibe diferente, ho nune’e bainhira eleitu Prezidente da Republika sei marka diferensa.

” Sai lider sira seluk, hau la’os di’ak liu lider sira seluk maibe hau diferente, tanba ne’e mak iha hau nia moto hateten katak sei marka diferensa,” Dehan Jeneral reformadu, Lere Anan Timur, iha nia kampanha aberta ne’ebe realiza iha Munisipiu Aileu, Domingo, (13/03).

Lere Anan Timur, Marka diferensa tanba hakarak promove dialgu.

Lider sira ne’ebe ukun ona halo buat di’ak barak tanba la’os ema seluk mak ukun maibe sira mesak hosi mai hosi ai laran.

” Maibe tabele dor sira ne’ebe tabele tui-tuir mak estraga ami, Maibe ami sira ne’ebe mak mai hosi ai laran la nunka hanoin Timor nia a’at no povu nia susar, ema sira ne’ebe tabele mak hakarak nia interese,” Tenik Lere Anan Timur.

Nune’e bainhira eleitu ba Prezidente da Republika, Lere Anan Timur, sei servisu hamutuk ho nia maun sira ne’ebe uluk terus hamutuk, sei servisu hamutuk mos ho nia maun sira ne’ebe matenek uluk servisu iha tasi balun.

” Hot-hotu Tenke tu’ur tanba dialogu mak dalan uniku atu lori estabilidade ba Timor-Leste, hodi fo haksolok no hakmatek ba povu, Maibe dialogu laiha ita mak hanesane nafatin,” Lere Alerta.

Estabilidade laiha dezemvolvimento laiha Tanba dialogu mak lori estabilidade mai, mak ita koalia kona-ba dezemvolvimento. Haktuir Kandidatu Prezidente ho numeru soretiu 8.

Lere deklara, atu sai Prezidente da Republika la’os tanba osan no buka naran, Maibe tanba nia riku mak servi no riku mak domin ba povu.

Ema balun hanoin katak povu ain tanan ho aileba sei la apaoia hau, Maibe sira hakarak hau nia domin, no sira hakarak hau servi sira tanba domin. Latu

Lere Hamutuk Xanana Ho Taur La’os Atu Sobu FRETILIN

Lere Anan Timur atu hamutuk Taur ho Xanana la’os atu ba sobu FRETILIN.

” Hau konvida ami sira ne’ebe mai hosi ai-alaran tanba ami iha responsabilidade moral, Hau la nega ita nia aman sira ne’ebe funu iha liur maibe sira la terus hanesan ami, sira la hare’e soldadu ida mate iha sira nia oin, maibe ami nain hira mai hosi ai-laran hare’e ho matan,” Tenik nia.

Nia hakuir, Ami ne’ebe uluk terus hamutuk, sei hamutuk mos Maun bo’ot sira ne’ebe mai hosi liur, hodi dezemvolve Timor-Leste ba oin, la’os atu ba sobu FRETILIN.

” Hau nen segundu ida la hanoin atu ba hamtuk Xanan ho Taur sobu FRETILIN se mak dehan hau sobu FRETILIN bolu Hau traidor, So ema traidor mak sobu FRETILIM Maibe ema hanesan hau Lere la’e, hanesan ohin hamulak iha Jardin Nicolau dos Reis Lobato Aileu, se hau trai FRETILN lulik ida ne’e halo justisa mai Hau.” Deklara Lere Anan Timur.

Ohin hamulak mos ba Saudozu Nicolau Lobato no mos ba sira seluk ne’ebe fakar sira nia ra’an ba rai ida ne’e, katak hau lori FRETILIN atu servi hau, halo justisa ba hau, Maibe iha ne’e atu servi FRETILIN, entaun hau la’o tuir dalan los.

Nia mos Hateten, FRETILIN dalaruma ema keta privatiza karik, Maibe FRETILIN hau, FRETILIN o, FRETILIN mak ita hotu no FRETILIN mak povu maubere.

Lere mos Hateten,  Foti interese nasaun, Estadu, no povu a’as liu interese Partidu

” Hau bolu maun bo’ot sira ne’ebe ami terus iha ailaran hamutuk, sira barak mate ona, Lere Anan Timur nia hakarak foti interese nasaun, Estadu no povu a’as liu interese Partidu nian. Ne’e hau nia hanoin mak ida ne’e, la’os hanesan sira koalia mangame tun sa’e dehan hau ba hamutuk ho Xanana no Taur atu sobu FRETILIN “Tenik Lere Anan Timur.

Lere Anan Timur haktuir, Bainhira sei eleitu Xefe estadu tula diviza fitun tolu nafatin deklara a’an katak “Hau Ema FRETILIN,” 

” Laiha minutu ida nia laran husik FRETILIN iha tinan 24 nia laran jura fo vida ba FRETILIN la’os FRETILIN atu fo vida, tinan 24 nia laran kompremete atu servi FRETILIN la’os FRETILIN mak atu servisu hau,” deklara Kandidadatu Indepedente ne’e.

Tanba ne’e husi klamar no isin FRETILIN hanesan ra’an ne’ebe halai iha isin lolon. So mate mak FRETILIN lakon iha memoria.

Lere hateten, nia tinan 70 ona, tinan 40 resin servi estadu no povu, Nune’e ho konsiensia tetu no dasi kandidata a’an ba Prezidente da Republika.

” Bainhira deside kandidata a’an hakarak husi Partidu FRETILIN Maibe Sekretariu Geral FRETILIN Mari Alkatiri Mak taka dalan mai Hau, hodi Re-kandidata hau nia irmao Francisco Guterres Lu-Olo.” Dehan Lere Anan Timur.

Maibe Lere deklara nafatin katak nia ema FRETILIN, maske la’os kandidata hosi FRETILIN, Tanba Lere Anan Timur hanesan segunda jerasaun FRETILIN ne’ebe eleje iha maubae tinan 1981.

Nia afirma, Ohin loron iha FRETILIN ema barak kritika nia dehan takak Lere atu sobu FRETILIN.

Nune’e ohin iha estatua Saudozu Aman ba nasaun Nicolau dos Reis Lobato Lere hateten ” Hau laran makerek ba FRETILIN fo justisa ba Hau.”

Membru CCF segunda jerasaun ne’e hatutan, Ita mak servi FRETILIN la’os FRETILIN mak servi ita.

” Hau iha atu servi FRETILIN la’os FRETILIN mak atu servi hau, sira dehan hau atu sobu FRETILIN, maibe sira rasik mak sei sobu FRETILIN, la’os Lere Anan Timur, tanba hau Lere sai aimoruk no vitima ba FRETILIN,” Tenik Nia.

Lere Anan Timur la nega FRETILIN tanba nia rasik ho soldadu inklui ema barak fakar ra’an ba FRETILIN. Latu