Osan Empretisimu $, 150.00 Hari’i Restaurante, Lori Oan Gradua Iha Indonesia
Naunil Média (Díli), Afonso da Costa hari’i restaurante iha tinan 2001 ho osan emprestisimu $, 150.00, ohin loron sai susesu lori oan ba Gradua iha Universidade Indonesia TrisSakti, ajuda mós ema ne’ebé presiza tulun.
Afonso da Costa ho nia kaben Sunarty da Costa, fila husi Nasaun Indonesia iha tinan 2001, iha momentu ne’eba situasaun difisil tebés, oinsa atu hasoru realidade moris iha nasaun Timor-Leste ne’ebé foin restaura nia indepedensia iha loron, (20-05-2002).
Afonso ho nia kabén deside empresta osan nia subriñu $,1500.00 hodi sosa ekipamentus hanesan dapur nian, husi osan $,150.00, restu $, 10.00 hodi sosa trigu falun, tempe halo dosi, maibé ho aktividade ida ne’e mós sei difikulta tanba menus kopradór, nó iha tinan 2006 aktividade ne’ebe familia ki’ik halo ne’e monu total.
Maibe Ida ne’e la hamonu Alfonso ho nia kaben nia esforsu.
“ Afonso ho bia kabén empresta fali ema nia osan hodi hari’i restaurante no ikus mai restaurante ne’e fo duni benefisiu tanba nia rezultadu mak bele atende nesesidade uma laran, no mós bele selu fila fali ema nia osan ne’ebé durante ne’e ami empresta,” Dehan Nain ba Restaurante ESPERANSA CHELCAR, Afonso da Costa, iha nia rezidensia, Becora, segunda (04/10).
Nia haktuir, Rezultadu husi restaurante ne’e mak konsege lori oan daru’ak Gradua iha Universidade Triksakti Indonesia.
“ Rezultadu husi restaurante ne’e hau nia oan daru’ak konsege hala’o estudu iha Universidade Trisakti Indonesia, nune’e mós ajuda ema sira ne’ebé presiza tulun” Tenik nia.
Orgulhu tanba ho restaurante ne’e bele fó servisu ba ema.
“ Hau orgulu tanba restaurante bele fo oportunidade ba ita nia maluk sira atu mai servisu hodi sustenta sira nia moris lor-loron,” haktuir Afonso.
Dadaun ne’e Restaurante ESPERANSA CHELCAR iha Kariawan nain 12 (Sanolu resin rua), ho salariu $, 130.00 to’o 200.00. Latu/Mik
