CNRT Prontu Sai Opozisaun Forte Iha PN
Naunil Media (Dili), Xefe bankada Congreso Nacionál de Reconstrução Timor (CNRT), Duarte Nunes, informa bankada CNRT prontu ona sai opozisaun iha parlamentu nasional (PN) hodi kritika, buka tuir lia loos no justisa iha Paralmentu Nasionál.
Xefe bankada CNRT, Duarte Nunes, ba jornalista sira iha Parlamentu Nasionál, Kuarta (03/06).
“CNRT nia pozisaun mak ne’e, ami opozisaun ami pronto, ami sei buka hatudu buat ne’ebe ami iha para ami sai opozisaun ne’ebe ke diak iha parlamentu” hateten xefe bankada CNRT, Duarte Nunes.
Nia hatutan, CNRT sai opozisaun hodi kritika no defende lia loos tuir konstituisaun no normas legais sira, maske durante ne’e Tribunal defende bankada governu maibe ami sei buka hodi defende lia loos tuir konstituisaun haruka.
“Opozisaun kritika buat ne’ebe kee tenke kritika, hatutu buat ne’ebe la tuir lei sira, kuandu kontra lei ami sei buka tuir nafatin, keta hanoin Tribunal dehan sira mak loos hotu, maibe ami sei hakilar nafatin iha paralamentu” akresenta deputadu Duarte.
Antes ne’e halo ona destituisaun meza parlamentu nasional iha loron 19 fulan Maiu tinan 2020, hodi hili prezidente parlamentu nasionál foun, Aniceito Guterres, husi bankada Fretilin troka prezidente sesante Arão Noe de Jesus Amaral, husi bankada CNRT no iha loron 02 fulan Juñu 2020 destitui tan sekretária meza paralamentu nasional, Lidia Norberta husi bankada Fretilin ba troka sekretaria meza paralamentu nasional sesante Maria Tereziha Viegas husi bankada CNRT, vise sekretáriu meza parlamentu nasional foun António Nobre Tilman, husi bankada Khunto troka vise sekretaria meza parlamentu nasional sesante Isabel Ximenes husi bankada UDT/FM. Uar
