UE Apoiu Nafatin TL Kombate Covid-19
Naunil Media (Díli), Embaizadór Uniaun Europeia (EU) Andrew Jacobs, Informa nafatin apoiu Timor-Leste atu konbate Covid-19 importánsia ba vasinasaun iha Dili no ba munisípiu sira.
“Ohin loron ami ko’alia kona-bá situasaun iha Timor-Leste iha ambitu Covid-19, Uniaun Europeia nafatin kontinua apoiu ba Timor-Leste iha ambitu konbate Covid-19, Ami koalia kona-bá importánsia ba vasinasaun iha Díli, maibé mós iha munisípiu importante kontinua reforsa programa vasinasaun Uniaun Europeia orgullu finansa parte husi programa COVAX kontribuisaun importante vasinasaun iha Timor-Leste”, Dehan Embaizadór Uniaun Europeia Andrew Jacobs ba Jornalista sira hafoin sorumutuk ho Primeiru Ministru (PM) Taur Matan Ruak iha Rezidensia Ofisiál Farol segunda, (14/06).
Iha enkontru ne’e mós ko’alia kona-bá programa futuru kooperasaun entre Timor-Leste ho Uniaun Europeia, UE mós iha intensaun finansas iha deversifikasaun ekonómia no mós boa governasaun.
“Ami hakarak kontinua apoiu orsamentu direitu iha Timor-Leste, ami iha programa bo’ot ba kooperasaun orsamentu direitu ami hakarak kontinua nafatin serbisu orsamental”. Tenik enbaizadór UE Andrew Jacobs.
Andrew Jacobs mós esplika ba Primeiru Ministru katak Uniaun Europeia agora serbisu kona-bá programa foun estratéjia ba geopolitika iha Indo Pasífiku, iha Indo Pasífiku Uniaun Europeia agora Parseiru dezenvolvimentu importante.
“Maibé ami agora iha intensaun aumenta prezensa estratezika polítika iha área indo Pasífiku tanba problema laiha Timor-Leste maibé iha rai li’ur iha problema demokrasia problema dereitus umanus iha problema estabilidade iha problema seguransa”, Esplika Andrew Jacobs
Nia dehan, Uniaun Europeia iha intensaun agora serbisu liu iha Indo Pasífiku atu serbisu Parseiru ho Timor-Leste reforsa demokrasia seguransa iha rejiaun Indo Pasífiku tomak, no Uniaun Europeia sei reforsa nia prezensa no influénsia iha rejiaun liu-liu atu hametin dereitus umanus demokrasia komérsiu livre no Justu no Seguransa Maritima.
Nia haktuir, durante Covid tama iha Timor-Leste to’o agora Uniaun Europeia ajuda orsamentu hamutuk dollar millaun hitu rihun atus walu to’o agora finansas aktividade kombate Covid-19 iha Timor-Leste.
Nia esplika Semana ne’e sira kontratu ho OMS montante millaun 1 rihun atus rua, asina semana programa atu reforsa kapasidade iha munisípiu diferente atu konbate kontra CovidMas ami serbisu ho OMS atu reforsa ministériu saúde atu ajuda ministeriu tau konbate Covid-19
Nune’e mós Programa vasinasaun sira sei apoiu ho programa COVAX Uniaun Europeia apoiu parte boot programa COVAX iha Timor-Leste serbisu ho sosiedade sivil atu ajuda ema vuneravel iha Munisípiu ne’ebé problema ho Covid-19. *Jos
