UE Disponivel Apoiu Prosesu Eleisaun Prezidensiál 2022
Naunil Media (Díli), Embaizadór Uniaun Europeia (EU) Andrew Jacobs, Informa EU disponivel apoiu prosesu eleitoral no asistensia tekníka ba iha eleisaun prezidensiál ne’ebé sei hala’o iha Marsu tinan oin.
“Ami iha posibilidade apoiu Sekretáriadu Tekníku Administrasaun Eleitoral (STAE) no mós Komisaun nasionál Eleisaun (CNE), para prepara ba eleisaun agora ami tenki ko’alia ho STAE kona-ba nesesidade husi STAE iha asistensia Teknika, maibé Uniaun Europeia disponivel atu apoiu prosesu Eleitoral”, Dehan Embaizadór Uniaun Europeia Andrew Jacobs ba Jornalista sira hafoin sorumutuk ho Primeiru Ministru (PM) Taur Matan Ruak iha Rezidensia Ofisiál Farol, segunda (14/06).
Enbaizadór UE ne’e hatutan kona-bá eleisaun prezidensiáis fulan Marsu 2022 Uniaun Europeia iha programa Observasaun Eleitoral hanesan mós iha 2017.
Andrew Jacobs hateten Uniaun Europeia sempre apoiu hametin demokrasia iha Timor-Leste ho observasaun ba eleisaun importante tebes-tebes atu reforsa atu hametin prosesu demokrasia iha Timor-Leste.
Diplomata UE ne’e dehan, sira mós prepara programa ida ba adezaun ASEAN ba governu no mós seitrór privadu sira tanba adezaun ba ASEAN kompetisaun liu husi rai membru ASEAN.
“Ami mós iha programa preparasaun ba adezaun ASEAN ba governu, maibé mós ba seitór privadu tanba ho adezaun ASEAN iha konkorensia kompetisaun liu ho empreza husi rai membru ASEAN, no mós ami iha intensaun finansa formasaun ba jonvetude atu reforsa kapasidade ema joven serbisu iha seitor privadu iha seitór ne’ebé eziste oportunidade posibilidade iha merkadu rai li’ur “, Tenik diplomata UE. *Jos
