Asosiasaun Tane Konsumidór TL Kapasita Estudante CS-UNTL

Fahe Tutan

Naunil Media (Díli), União Euoropeia (UE) liu hosi Asosiasaun Tane-Konsumidór Timor-Leste (ATKTL) fó kapasitasaun ba estudante Departamentu Komunikasaun Sosial (KS), Fakuldade Siensia Sosiais (FSS) no Universidade Nasional Timor Lorosa’e (UNTL), kona-ba defende direitu konsumidór sira nian iha Timor-Leste (TL).

Emabaixadór União Europeia iha Timor-Leste, Andrew Jacobs, esplika objetivu Uniao Europeia ajuda programa refere atu ajuda konsumidór Timor oan sira, oinsa bele intende loloos kona-ba direitu no dever konsumidór nian tuir Konstitusaun RDTL Artigu 53.

“Nu’udar emabaxadór hosi delegasaun União Europeia orgullu involve iha atividade Tane Konsumidor Timor-Leste, liu hosi koloborasaun Asosiaun Portuguésa Tane Konsumidor DECO, ne’ebe hetan apoiu finansiamentu hosi União Europeia hodi implementa projeitu durante tinan haat hodi promove lei Konsumidór nian iha Timor-Leste”, Emabaixadór União Europeia iha Timor-Leste, Andrew Jacobs, informa liu hosi desminasaun informasaun ba estudante sira iha Kampus Faspol Kaikoli, Segunda (14/09).

Nia dehan, implentasaun programa Tane Konsumidór sei akontese barak liu ajensia, no merkadu públiku hodi nafatin defende direitu no dever konzumidor nian.

Iha Fatin hanesan Diretór, Asosiasaun Tane Konsumidór Timor-Leste (ATKTL), António Ramos, informa estudante nu’udár ajente transformadór, presija tebes hatene informasaun barak, inklui mos kona-ba defende direitu no dever konsumidór.

“Atividade refere naran atividade tane sai rua, no tane sai ba dalan, atu  hakbesik liu ba konsumidór sira, oinsa mak atu koalia kona-ba sira nia direitu no dever, konsumidor iha  direitu atu hetan hahan ne’ebe kualidade di’ak ho folin ne’ebe baratu”, hateten Diretór ne’e

Nia hatutan, programa ne’e sei defende no valoriza konsumidor sira nia direitu iha area oioin.

Iha fatin hanaesan, Dekanu Faculdade Siensia Sosiais (FCS), Camilo Ximens Alves Louva no kontinua husu atu asosiasun refere atu kontinua desamina informasaun ne’e to iha baze nunee sidadaun hotu-hotu bele asesu ba iha programa refere.

Total orsamentu ne’ebe apoiu husi União Europeia ba ATKTL hodi implementa programa ne’e hamutuk osan Euro 620 komapara ho U$700.00.

Partisipa iha atividade ne’e, Embaixadór União Europeia, Diretor ATKTl ho nia ekipa, Dekanu Fakuldade Siensia Sosias, Xefi Departentu Komunikasaun Sosial Marcelino Ximenes Magno, inklui Korpu dosente no Estudante Komunikasaun Sosial Sira inklui hetan Animasaun hosi Koru FCS. Dms

Leave a Reply

Your email address will not be published.