Kazuias 225 SEFOPE Sei Tuir Teste ba Funsiunáriu Permanente
Naunil Media (Díli), Sekretáriu Estadu Formasaun Profisional no Empregu (SEFOPE), Alarico do Rosario, informa SEFOPE sei halo teste ba ba kazual nain 225 molok sai funsionáriu permanente ajente administrativu nian.
“Objetivu halo rekrutamentu ida ne’e atu muda funsionariu kazuais sira balu ba iha ajente administrative”, Sekretariu Estadu Alarico do Rosario, ba jornalista sira iha Salaun INFORDEPE Ian Martin Matadoru, Segunda (14/09).
Nia relata, total funsionáriu mak teste ne’e hamutuk 225, hosi ne’e 50% sei koloka iha ajente administrativu ba hirak ne’ebe mak valor tama iha kategoria no ba hirak ne’ebe valor la tama sai nafatin hanesan funsionariu kazuais.
“Sira ne’ebe mak la liu ne’e la’os sira atu sai husi funsionáriu maibe nia sei fusionariu kazuais nafatin, tanba ne’e mak ita halo proseu ida teste ne’e, liu husi teste nune’e bele transparan se mak la liu no se mak liu maibe ida liu ne’e ba ajente administrative”, esplika Nia.
Nia dehan, materia hirak ne’ebe konkorente sira tuir sei foti mai hosi diresaun hotu-hotu, hodi halo sai rezumu molok halo teste. Nune’e sei hetan tan materia hosi rekursu umanu kona-ba teste servisu diariu nian no tuir informasaun teste no rezultadu sei realiza no publika iha tinan 2020 nia laran. Apm
