Investimentu Fundu Mina Rai Hetan Negativu Millaun U$ 300
Naunil Media (Díli), Ministra Finansas ein-ezersísiu, Sara Lobo Brites, informa to’o loron 10 fulan Abríl tinan 2020 ne’e, retornu investimentu fundu mina-rai hetan negativu.
“Dezempeñu fundu mina-rai, hakarak informa katak to’o 10 abríl ita-nia retornu investimentu iha fundu mina-rai hetan negativu pur volta millaun U$300 resin”, informa Sara Lobo iha Parlamentu Nasionál, Kinta (16/04).
Nia relata, reseita husi fundu mina rai hamutuk millaun U$199, ne’e duni to’o loron 10 abríl, retornu negativu ne’ebé rejista kontinua mantein balansu millaun U$ 17 resin, finansa ne’e, mudansa interesse durante iha situasaun COVID-19 nian.
Vise-Ministra Finansas, Sara Lobo Brites, esplika mudansa ne’ebé ho kuantidade aas, presu iha bolsa tun no sa’e kada loron no dala ruma iha segundu de’it.
“Ha’u hanoin ita hotu bele hakmatek tanba ita-nia investimentu ba longu prazu ne’e. Tuir mudansa ne’ebé ho kuantidade aas, presu iha bolsa tun no sa’e kada loron no dala ruma iha segundu de’it”, dehan Nia. Ana
