Eis Deputadu CNRT “DuSae” hakotu i’is, PN Sei Fó Omenajen-Ikus
Naunil Media (Díli), Eis Deputadu Parlamentu Nasionál husi Partidu Kongresu Nasionál Rekomtrusaun Timorense (CNRT) Eduardo de Deus Barreto ho kodiku “DuSae” moras fuan ba tratamentu iha hospital (RS Siloam-Jakarta) kuarta ohin hakotu ona i’is tuir tradiasaun Parlamentu Nasionál (PN) sei fó homenajen ikus ba saudosu.
Fundador partidu CNRT Matebian Eduardo de Deus Barreto mate ho idade 69 iha hospital (RS Siloam-Jakarta ) Indonesía iha loron 26 fulan Maiu tinan 2021 iha tuku 8 dadersan oras Indonésia nian, tanba sofre moras fuan.
“Antes ne’e matebian sofre moras atakasaun fuan iha nia rezidensia Glenu iha loron 16 fulan Maiu ne’e ,Hafoin família deside lori ba hospital Glenu,iha ne’eba pesoal saúde , deside transporta mai iha Hospital Nasionál Guido Valadares (HNVG) Díli hodi hala’o tratamentu iha sala ICU”, Oan feto husi Matebian Ligia Madalena ba jornalista sira liu husi via whatsApp, kuarta (26/05).
Alende ne’e iha Domingu loron 23 fulan Maiu mediku sira deside transporta urjente matebian hodi ba hala’o tratamentu iha Indonesía iha hospital (RS Siloam-Jakarta) hafoin liu loron tolu de’it matebian hakotu ona i’is.
Matebian moris iha loron 14 Agostu tinan 1951, husi suku Raimerhei ,postu administrativu Ermera Munisípiu Ermera. Durante Moris matebian hamahan a’an iha partidu CNRT hanesan mós funndador partidu CNRT, no iha tinan 2007 to’o 2017 hetan fiar husi partidu hodi ba reprezenta povu iha fukun parlamentu nasionál iha lejislasaun anterior hanesan xefí bankada partidu CNRT no vise Prezidenti Parlamentu Nasional, no aktivu hanesan membru konsellu estadu to’o nia remata peregrinasaun iha mundu.
Dadaun ne’e mate isin Sei iha jakarta indonesia hodi hein prosesu atu translada mai Timor-Leste,matebian husik nia fen kaben ho nia oan nain 9.
Tuir lalaok husi parlamentu nasionál nian wainhira deputadu ida hakotu i’is sei lori ba iha uma fukun parlamentu nasionál hodi presta omenajen molok ba halot iha fatin ikus. Ipe