Covid-19: ESJ Sabika-Besi Kulit Uatulari, La Implementa Eskola Online Ba Estudante
Naunil Media (Díli), Mosu tranzmisaun lokál covid-19, Eskola Sekundariu Jerál (ESJ) Sabika-Besi Kulit Uatulari, profesor sira la bele hanorin estudante sira tuir online tanba iha postu adiministrativu Uatulari, munisípiu Viqueque eletrisidade mate lakan tanba ne’e la implementa eskola online ba estudante sira.
Diretór Eskola Sekundariu Jerál (ESJ) Sabika-Besi Kulit Uatulari Adelino da Cruz ba Naunil Media liuhusi via telefone, kuarta (17/03).
Adelino hateten, Eskola Sekundariu Jerál (ESJ) Sabika-Besi Kulit Uatulari profesor sira labele hanorin estudante sira tuir online tanba eletrisidade mate lakan no rede internet mós susar loos.
“Iha ne’e, eskola online labele akontese tanba eletrisidade mós mate lakan no problema inundasaun makaas jaringan difisil tebes, entaun susar atu eskola online”, dehan Adelino.
Adelino akresenta, iha situasaun pandemia Covid-19 ne’e, buat hotu sai difisil, maibé sira mós nafatin kontribui desizaun ne’ebé husi parte governu implementa ba prevensaun Covid-19 espalla ona iha Timor-Leste.
“Modelu saida de’it, ami prontu para kontribui tanba iha pandemia covid-19 buat hotu ami sei rona husi governu. Ami labele la’o mesak, se atividade seluk ami bele la’o mesak. Maibé iha pandemia ida ne’e governu autoriza mak foin la’o tuir”, nia hato’o.
Nia realsa, ESJ Sabika-Besi Kulit Uatulari atividade eskolár suspende iha loron 15 marsu bainhira mosu kazu pozitivu iha Aldeia Lari, Suku Afaloikai, Postu Administrativu Uatolari.
Tuir kalendariu nasionál 7 Abril hahú ezame primeiru periodu, maibé mosu covid-19 eskola sai paradu sei hein desizaun husi Diretór Edukasaun Munisípiu Viqueque.
Iha okaziaun ne’e estudante Eskola Sekundariu Jerál (ESJ) Sabika-Besi Kulit Uatulari Ana Maria hatutan, nia parte sente triste tebes tanba besik exame ona, maibé agora dadaun eskola paradu hela, estudante kuaze halimar totál eskola online mós la iha.
“Ami sente triste tebe-tebes, tanba besik ona exame maka moras ne’e mosu covid-19, ne’ebé ami agora halimar de’it mos lakontente ida. Ami hakarak eskola fali, maibé sei iha serka sanitaria nian laran”, tenik Ana.
Iha Eskola Sekundariu Jerál (ESJ) Sabika-Besi Kulit Uatulari ho totál estudante hamutuk 982, profesór permanente hamutuk 18, profesór kontratadu nain 1 no profesor volumtariu hamutuk na’in 8. Rit
