Komunidade Leimeia Husu MAP Halo Treinamentu Panen Vanila
Naunil Média (Erméra), Komunidade husi Suku Leimeia Sorin balun Postu Administrativu Hatulia, Munisípiu Erméra, Husu Ministeriu Agricultura é Pesca (MAP-Sigla portugues) atu fó treinametu ba komunidade sira oinsa atu panen Vanila.
“Ba oin MAP sei hare iha intelektuais balun ne’ebé hasai estudu hanesan panen Vanila iha rai liur, Tanbà tuir ami nia hatene Vanila ne’e mai husi rai liur, La hatene Vanila ne’e moris durasaun too tinan hira, Tanbà ne’e mak husu ba MAP atu rekruta agrikultura ne’ebé mak estuda iha area plantas ninian atu bele hamutuk ho ami” Dehan to’os nain Cipriano Dos Santos, Ba Jornalista sira, Iha Suku Leimeia, Sexta (21/05)
Nia informa, Sira la dun hatene tekniku Vanila nian, Tanbà sira hatene mak oinsa atu fo kaben maibe sira la hatene durasaun moris husi vanila ne’e rasik, Tanbà iha balun ku’u Dala rua de’it mate ona no iha balun ku’u too dala ha’att Mak foin mate, Ho nune’e sira presiza ema atu fó treinametu.
Hatan ba preokupasaun ne’e Diretor Nasional kafe plantas é industria (DNKPI)’ Donato Xalsina Menezes, hateten, Nia parte sei halo kordenasaun ho parte balun hodi halo peskiza ba vanila, Atu bele fó treinametu ba komunidade sira ne’ebé mak kuda vanila. Ivo
